Video
Read full review
2016-07-25
2109 views
寧食開眉粥,不吃愁眉飯!終於寫出我的第一篇~~這個周末,兩口子去了長洲! 其實無乜特別,只是我們上一次已經係廿年前了'以前搭船成個鍾,依家半個鍾!! 我好OUT囉 . 落船12:15PM, 曬曬曬! 搵左間茶記~食冷氣 ,跟住由西行到東,橫街窄巷,沙灘慢遊!炸大魚蛋,炸釀豆卜,炸雪糕,芒果糯米糍.......4:15PM由於唔係食左好多野,又曬到七彩,再加上我唔鍾意同人逼,便走左去食飯,揀左---蘇波記---由於不是用膳時間,無乜人,室外一檯,室內三檯,揀左室內(又食冷氣:yuk 二人餐$218/4個餸唔使加一,由於無乜人,餐廳呀姨招呼我地話成個餐牌的小菜都揀得.一揀椒鹽瀨尿蝦--無!今天貨唔靚無入 ,咁唯有揀避風塘炒蟹,鐵板蚝仔煎蛋,椒鹽鮮魷同蒜蓉蒸扇貝.避風塘炒蟹: 梗係唔係買料畀食肆加工果D蟹喇, 餐廳提供,肉有6舊,蓋得個半,蟹拑兩隻最正常 ,但係夠鑊氣,野味喎.兼且蟹肉夠實同有鮮味添! 鐵板蚝仔煎蛋: 估你唔到喎 ,熱辣辣食落口蛋香煎唔過火,蚝仔唔算細粒仲啱啱好有汁有鮮味,好 椒鹽鮮魷: 呢個......鮮魷爽口炸粉唔厚,但味道偏淡椒鹽味欠奉,普普通通最遲出
終於寫出我的第一篇~~
這個周末,兩口子去了長洲! 其實無乜特別,只是我們上一次已經係廿年前了'
以前搭船成個鍾,依家半個鍾!! 我好OUT囉 . 落船12:15PM, 曬曬曬! 搵左間茶記~食冷氣 ,跟住由西行到東,橫街窄巷,沙灘慢遊!炸大魚蛋,炸釀豆卜,炸雪糕,芒果糯米糍.......4:15PM由於唔係食左好多野,又曬到七彩,再加上我唔鍾意同人逼,便走左去食飯,揀左---蘇波記---
由於不是用膳時間,無乜人,室外一檯,室內三檯,揀左室內(又食冷氣:yuk
二人餐$218/4個餸唔使加一,由於無乜人,餐廳呀姨招呼我地話成個餐牌的小菜都揀得.一揀椒鹽瀨尿蝦--無!今天貨唔靚無入 ,咁唯有揀避風塘炒蟹,鐵板蚝仔煎蛋,椒鹽鮮魷同蒜蓉蒸扇貝.
避風塘炒蟹: 梗係唔係買料畀食肆加工果D蟹喇, 餐廳提供,肉有6舊,蓋得個半,蟹拑兩隻最正常 ,但係夠鑊氣,野味喎.兼且蟹肉夠實同有鮮味添!
鐵板蚝仔煎蛋: 估你唔到喎 ,熱辣辣食落口蛋香煎唔過火,蚝仔唔算細粒仲啱啱好有汁有鮮味,好
椒鹽鮮魷: 呢個......鮮魷爽口炸粉唔厚,但味道偏淡椒鹽味欠奉,普普通通
最遲出來的蒜蓉蒸扇貝 ,都幾大個殼但係要撥閞晒D粉絲至搵到粒大過5毛子嘅肉,仲要(實的的)無鮮味, 食晒成隻無裙邊無內臟個殼平時有粒肉仔痴實果粒都無埋,個殼------好乾淨囉
可口可樂有乜好寫??? 哈哈...100分,超凍啱啱未變冰,透心涼仲唔100分
離開晒的肉 XX山, XX門, X貢, XX島都有食過, 呢間$218 + COLA$13 埋單$231整體黎講係抵食嘅,得閒再食,唔啱口味果D梗係唔叫啦
Other Info. :
老人家食飯食頭圍,我唔係好老啫但卻鍾意早食,避開人潮食都舒服d. 招呼都好d架
(The above review is the personal opinion of a user which does not represent OpenRice's point of view.)
Post
