陳根記 (Moved) New Location

我都係第一次使用外賣速遞 App，原來又真係幾方便喎，最估唔到係連大牌檔陳根記都有！兩個人嘅晚餐，我哋叫咗 4 餸 1 飯，包括滷水鵝片、腐乳通菜、豉椒炒蜆、沙律骨（但可惜招牌菜 Wasabi 手撕雞 8 點鐘已經沽清，下次真係要快手啲）。App 內標示 45 分鐘送到，最後 30 分鐘內已經到達，食物送到時真係暖嘅，對此非常滿意。不過講到大排檔風味，都係留喺大排檔坐低食比較有鑊氣嘅！題外話，幾欣賞佢哋嘅 go green strategy，除非特別要求，否則唔會提供外賣餐具（當然外賣餐具亦唔會有額外收費嘅）。