生昌潮州海鮮酒家

Open Now

Now Closed

未講食物之前，首先要講下佢地既上菜速度真係好快。剛落完單只是十分鐘，也許再更少，餸菜就來了。餓鬼們不用等太久，不是一大喜訊嗎？炸蠔餅，似乎係食打冷的指定菜色，至少我每次打冷都會叫的呢。這個蠔餅又怎樣呢。蠔的份量都算多，而且分佈算平均，起馬我夾每一塊都有幾粒蠔在裡面。蠔的大小也合理，食落的口感唔錯。外脆內軟，合味沒有太過濃，不咸而且香口。椒鹽走地豬要椒鹽炸香的方式處理的豬肉片，豬肉片細細塊的，炸的火喉很好，唔乾且保存了肉汁。大概係用左南乳先醃製再炸，南乳香慢慢滲出來，又沒有奪去豬肉的鮮味，值得推介。鵝片不太泛算，要百幾蚊但份量唔多，不過我知香港食鵝都係貴。不過質素唔錯，厚薄恰宜，而且肉質鮮嫩，肉香與滷水味不會互搶。下面是大大塊的豆腐和花生托底，划算不划算自己想想吧。