The Salted Pig (新都會廣場) (Closed)

Grilled Prawn & Avocado Salad（$168）牛油果香芒大蝦沙律：五隻大蝦香煎，上碟仍熱，彈牙爽口；牛油果軟熟；芒果微甜；車厘茄微酸；沙律菜新鮮爽脆；配埋甜辣沙律汁，酸甜辣十分開胃。Crispy Pork Knuckle（$318）招牌德國咸豬手：份量不少（有1KG，話二人份，但四個人分嚟食都夠）皮脆，肉又腍又嫩，接近冇肥膏，冇豬臭味，咸味恰到好處，不愧為招牌菜。配菜有烤薯（稍稍烤過嘅薯仔蛋）、烤甘筍條、酸菜（唔會好酸）。Slow-Cooked BBQ Baby Back Ribs（$288）慢煮醬燒豬肋骨：兩件，每件三條骨，肉厚身，因為係慢煮，肉質軟但又有咬口，配埋燒烤醬，味道不錯。配菜有椰菜沙律、烤粟米（爽甜）、炸薯條。New York Cheesecake（$88）紐約芝士蛋糕：芝士味濃，入口軟滑。Chocolate Molten Lava Cake（$98）朱古力心太軟：焗得好香，一上枱已經香噴噴。一切開中間啲朱古力流哂出嚟，外脆內軟嘅蛋糕撈埋香濃嘅流心朱古力，加埋雲呢嗱雪糕，一冷一熱，沒有不好吃的理由。兩款豬料理都煮得十分出色，不愧為以豬做賣點嘅餐廳。