餃掂手工餃子雲吞專門店

突然好想食餃子，之前試過呢間唔錯，今日經過就黎encore 下～黎到見到樽醃蘿白就發晒光😳，真係好鍾意食，味道唔會係酸到chur 喉果種好開胃。✨蜂蜜檸檬薏米水（$20): 熱飲超大杯，加左蜂蜜甜甜地，比平時就咁檸檬薏米水好飲wo✨野生松茸素餃（$48): 餃皮夠薄，雖然係素餃，但食落感覺一d 都唔寡。入邊既蔬菜，木耳等等都好爽口，而且調味啱啱好，點埋少少豉油食更加美味，估唔到素餃都可以咁好食👍✨元貝豬肉餃（$49): 咬開初初以為入邊係勁多元貝絲，點知原來混左d 金菇碎xD . 不過都食得出有元貝既鮮味，加埋湯汁同豬肉特別juicy~~✨跟餐另有一碗狀元九鼎湯，係粉葛，鯪魚，鰂魚，赤小豆等煲成， 佢個味道比較清無味精，飲之前加d 鹽吊下味會好飲d.✨淨麵（$20): 廿蚊碗都幾大碗，湯底係有d 酸酸地加醬油既味道，夠飽肚。✨蜜餞雞翼（$35): 雞肉好腍好入味，蜜餞既味道幾特別，甜甜地幾好食。✨壽喜燒牛肉餃（$52): 呢個新口味一見到就想試，不過食落去好似生竹牛肉球既感覺，有馬蹄同蔥幾香，雖然好似同壽喜燒無乜關係xD, 但係其實係好食既。呢度d餃子口味真係幾多，鍾意食餃子既一定要黎