湯品小棧 (Closed)

喺 openrice 揾到大角嘴呢間舖頭有湯飲， 於是尋日中午搭車過去湯品小棧， 舖頭比較細間同啲位有少少迫，我叫咗午市套餐揀蟲草花湯，台灣鹽水麵， 羅漢果雪梨茶， 蕃茄濃湯豬軟骨， 飄香滷豆乾， 玫瑰露雞翼，時菜， 後加甜酸齋， 蟲草花湯勁多料， 而且個湯好清甜， 店員教我倒個湯落麵度一齊食，真係好味。其實啲餸我覺得ok無太大surprise， 對於懶得煮飯和煲湯既我，呢度係一個唔錯嘅選擇， 由於天氣太熱我要搭巴士過嚟比較嘥車錢， anyways, 今日星期日， 心思思又要嚟，試下行40分鐘過去真係熱到想死， 今日去到已經有兩枱客， 我叫咗松茸湯， 台灣鹽水麵， 凍杞子菊花黑糖茶， 紅棗黑蒜香菇雞腿， 秘製滷排骨, 清湯蘿蔔, 時菜， 後加玫瑰露雞翼和凍玫瑰檸檬茶。 呢間鋪頭嘅強項係湯，野食係為左填飽個肚你哋明啦... 飲品偏向清淡感覺好健康。 除咗大角咀上環好似有分店，有時想飲港式湯但係又唔想煲,就會幫襯呢類舖頭。