Video
Read full review
2017-03-11
123 views
朋友介紹嚟先知，原來新開的，喺漆咸道轉入赫德道，條街雖然黑，都易搵。喜愛西班牙菜的原因，係佢地興食好多tapas，小食般的前菜令我可能試好多菜色，唔似美色或英色，各自為政，只可食一款主菜， 而且可以同朋友分享傾談，係唔錯既gathering選擇。呢個烤蕃茄麵包伴香蒜橄欖油，$45，2片多士，伴一個切開一半的原個蕃茄同幾粒蒜頭，初時一頭霧水，店員介紹先知原來用蕃茄好似洗衫板原理咁擦d肉同汁於麵包上，再用蒜頭粒再磨d蓉喺面，最後加橄欖油食。蕃茄原來係喺西班牙嚟既，話喺個地區既蕃茄特別多汁鮮甜，所以有呢個塗麵包食法。店出面真係放滿好多西班牙嚟既蔬菜，對食材好講究。呢款蕃茄就係塗麵包那種。西班牙風乾火腿，都指明用伊比利亞地區的黑毛豬，48個月，手切，所以口感好好，而且肉味濃，沒有渣，又唔太咸。另一tapas, 白豆銀雪魚配西班牙螄蚶，幾特別，好霖既白豆，銀雪魚新鮮結實。西班牙蛋餅，傳統的係薯仔，蛋，洋蔥，但我覺得呢個好多料，好豐富，雖然數唔晒，但食得出有魚肉，好食，唔油膩。重點推介呢個黑毛豬拼盤，一次過試到3款不同部位既黑毛豬，店員仲介紹係橡木既炭燒出嚟，好香，真係3個不同口感，出面好少有呢個
喜愛西班牙菜的原因，係佢地興食好多tapas，小食般的前菜令我可能試好多菜色，唔似美色或英色，各自為政，只可食一款主菜， 而且可以同朋友分享傾談，係唔錯既gathering選擇。
呢個烤蕃茄麵包伴香蒜橄欖油，$45，2片多士，伴一個切開一半的原個蕃茄同幾粒蒜頭，初時一頭霧水，店員介紹先知原來用蕃茄好似洗衫板原理咁擦d肉同汁於麵包上，再用蒜頭粒再磨d蓉喺面，最後加橄欖油食。蕃茄原來係喺西班牙嚟既，話喺個地區既蕃茄特別多汁鮮甜，所以有呢個塗麵包食法。
店出面真係放滿好多西班牙嚟既蔬菜，對食材好講究。呢款蕃茄就係塗麵包那種。
西班牙風乾火腿，都指明用伊比利亞地區的黑毛豬，48個月，手切，所以口感好好，而且肉味濃，沒有渣，又唔太咸。
另一tapas, 白豆銀雪魚配西班牙螄蚶，幾特別，好霖既白豆，銀雪魚新鮮結實。
西班牙蛋餅，傳統的係薯仔，蛋，洋蔥，但我覺得呢個好多料，好豐富，雖然數唔晒，但食得出有魚肉，好食，唔油膩。
重點推介呢個黑毛豬拼盤，一次過試到3款不同部位既黑毛豬，店員仲介紹係橡木既炭燒出嚟，好香，真係3個不同口感，出面好少有呢個質素既黑毛豬，鬆化度似食牛。
prime rib eye 21days, 都係燒我好香，肉味濃，而且剛剛好，完全無渣，霖滑。
最後一個重點主菜，龍蝦西班牙飯，好湯既飯，因同龍蝦一齊煮，飯粒完全吸收晒蝦湯，配少少甜椒粒，好好食，而且唔似出面龍蝦湯咁creamy咁膩，呢個唔creamy, 只有蝦味，個人好喜愛。原隻龍蝦咁上，而且食得出既新鮮。
呢度既drinks menu好豐富，sangria同mocktail都好多款，呢個係passion fruit sangria mocktail, 酸酸甜甜，好醒胃。
整體感覺好好，無論食材，菜色，服務都好滿意，係gathering既好地方! 仲可下次試多幾個tapas!
Post
