Video
Read full review
2022-05-15
254 views
星期日有野要做出左去荔枝角，hubby 提議不如夜晚行去呢間bookmark 咗好耐既 鰹烏冬 試下啦！到店大概未夠6點，加上細雨綿綿，唔洗等位直接安排入座。原來隔離鋪位都係屬於 鰹烏冬 既，不過係吧枱位，我地就坐返普通位。店員妹妹好有禮貌，介紹左今日有幾款烏冬已經賣晒，hubby 想食凍既所以揀左『夏一烏冬』。因為係涼拌既關係！？烏冬非常有咬口，好煙靭，拌開左既玉子加埋芝麻既香，青瓜既爽脆，hunby 一路食一路讚，對於佢嚟講讚到咁就真係好好味喇！跟餐一齊叫既仲有雞脾同冷豆腐。根據hubby 形容，雞脾好juicy，個汁咸咸地又帶點辣，好配個烏冬。基本上我地見到每枱都總有一位顧客有點呢隻雞脾，可見真係做得出色👍🏼 冷豆腐就一般喇...因為...佢大大個豆腐品牌logo對住我😅而我呢，因為我初一十五係食素既，所以今日揀既係『素豆乳烏冬』配炸天婦羅+炸蛋。先講素豆乳湯底，初初飲我覺得好淡，以為加埋烏冬咪仲更加冇味？點知又唔係喎！食落去其實係好夠味道既，而我既烏冬比起hubby 既就軟身啲，應該因為放左湯而我又等左一陣先食，對我黎講呢個軟硬度都ok！天婦羅上枱時熱辣辣，好香好正🤤一份有5件
到店大概未夠6點，加上細雨綿綿，唔洗等位直接安排入座。原來隔離鋪位都係屬於 鰹烏冬 既，不過係吧枱位，我地就坐返普通位。
店員妹妹好有禮貌，介紹左今日有幾款烏冬已經賣晒，hubby 想食凍既所以揀左『夏一烏冬』。因為係涼拌既關係！？烏冬非常有咬口，好煙靭，拌開左既玉子加埋芝麻既香，青瓜既爽脆，hunby 一路食一路讚，對於佢嚟講讚到咁就真係好好味喇！跟餐一齊叫既仲有雞脾同冷豆腐。根據hubby 形容，雞脾好juicy，個汁咸咸地又帶點辣，好配個烏冬。基本上我地見到每枱都總有一位顧客有點呢隻雞脾，可見真係做得出色👍🏼 冷豆腐就一般喇...因為...佢大大個豆腐品牌logo對住我😅
而我呢，因為我初一十五係食素既，所以今日揀既係『素豆乳烏冬』配炸天婦羅+炸蛋。先講素豆乳湯底，初初飲我覺得好淡，以為加埋烏冬咪仲更加冇味？點知又唔係喎！食落去其實係好夠味道既，而我既烏冬比起hubby 既就軟身啲，應該因為放左湯而我又等左一陣先食，對我黎講呢個軟硬度都ok！
天婦羅上枱時熱辣辣，好香好正🤤一份有5件包括大蝦、鮮冬菇、茄子各一，魚兩條。我睇見真係流晒口水，不過我好乖淨係食左蔬菜既部份。hubby 就話隻炸蝦略嫌炸粉多左少少🤏🏼而隻天婦羅炸蛋真係😋😋一咬開流晒心架！加埋豆乳烏冬一齊食，正正子🍲
如果下次再有機會去附近一定會再食！！
夏一烏冬
20 views
0 likes
0 comments
素豆乳湯烏冬
35 views
0 likes
0 comments
Post
