Video
Read full review
2020-11-08
1644 views
今年係同先生相識12周年紀念不過疫情下都無太多活動可以做，打算簡單吃餐飯記念一下。揀來揀去，最後揀君悅酒店嘅茶園，背後其實有段故。話說我地拍拖早年，曾經食過一次茶園嘅甜品自助餐，當年嘅經驗真係一試難忘。大廳裝潢氣派，服務體貼，甜品更加係出色。不過，先生(當年係男友)就唔慣食咁多甜品，所以食完之後，我就陪佢喺街邊食返串燒賣嚟「中和」下。去返正題先😆汲取經驗，今次就決定重溫當年嘅味道，不過選擇咗午餐自助餐。一則，熟食、甜品俱備，照顧晒大家唔同胃口需要。二則，自助餐容易食太飽，個人比較鍾意食下午，咁就有半日時間可以慢慢消化，夜晚瞓覺唔會肚頂頂。訂枱時有提及希望可以坐窗邊位，非常感餐廳有為我哋安排到。茶園貴為酒店餐廳，其中一個優勢係枱與枱之間的距離好寬裕。客人自成一角靜靜地傾下偈，亦唔會擔心畀人聽到，或者嘈住他人。食物擺位我無乜影相，因為怕阻礙到其他客人。整體食物款式唔算好多，但係都足夠選擇。個人覺得最好味嘅係磨菇湯。對我嚟講，甜品先係呢餐飯嘅主角。最後我同先生各自點了餐茶。食足２個鐘，埋單兩位合共一千元有找，個人覺得酒店餐廳而言，性價比算幾高。值得留意嘅係，原來喺餐廳消費係可以喺酒店免費泊車
不過疫情下都無太多活動可以做，打算簡單吃餐飯記念一下。
揀來揀去，最後揀君悅酒店嘅茶園，背後其實有段故。
話說我地拍拖早年，曾經食過一次茶園嘅甜品自助餐，當年嘅經驗真係一試難忘。
大廳裝潢氣派，服務體貼，甜品更加係出色。
不過，先生(當年係男友)就唔慣食咁多甜品，所以食完之後，我就陪佢喺街邊食返串燒賣嚟「中和」下。
去返正題先😆汲取經驗，今次就決定重溫當年嘅味道，不過選擇咗午餐自助餐。
一則，熟食、甜品俱備，照顧晒大家唔同胃口需要。
二則，自助餐容易食太飽，個人比較鍾意食下午，咁就有半日時間可以慢慢消化，夜晚瞓覺唔會肚頂頂。
訂枱時有提及希望可以坐窗邊位，非常感餐廳有為我哋安排到。
茶園貴為酒店餐廳，其中一個優勢係枱與枱之間的距離好寬裕。
客人自成一角靜靜地傾下偈，亦唔會擔心畀人聽到，或者嘈住他人。
食物擺位我無乜影相，因為怕阻礙到其他客人。
整體食物款式唔算好多，但係都足夠選擇。
個人覺得最好味嘅係磨菇湯。
25 views
0 likes
0 comments
36 views
0 likes
0 comments
對我嚟講，甜品先係呢餐飯嘅主角。
28 views
0 likes
0 comments
芒果糯米飯及奶茶雪糕
22 views
0 likes
0 comments
餐廳送上的甜品
32 views
0 likes
0 comments
最後我同先生各自點了餐茶。
Cappuccino
26 views
0 likes
0 comments
食足２個鐘，埋單兩位合共一千元有找，個人覺得酒店餐廳而言，性價比算幾高。
值得留意嘅係，原來喺餐廳消費係可以喺酒店免費泊車３小時。
我哋蠢咗出發前無問到餐廳，埋單問侍應先知。
下次再嚟，我哋連泊車錢都慳埋，感覺更加抵。
Post
