淂記 (Closed)

今日由小兒發辦，三個餸，三個點心，加兩甜品。四個人份量足夠。應承俾佢全權話事所以菜菜欠奉，大人冇得反口！😂北京填鴨比起全盛時期小時候的北京樓仲有啲距離，但看得出這間店有心做返好啲，鴨皮脆而不肥膩，薄餅皮份量夠及用小火keep住溫度有誠意！半隻鴨份量好似俾少咗啲，但如果因為要揀靚啲部份先上的話都OK可以接受。蜜汁火腿，牛柳粒都好食及有驚喜。其他點心都滿意。楊枝甘露雪糕小朋友最鍾意。炸雪糕做得有心機，但同今時今日香港其他西式甜品比較，可以直接skip咗佢。仲有呢度啲員工服務態度亦都好好，很有禮貌，值得讚賞！晚市堂食Eatizen會員而家有七折，所以性價比高，開心的一晚家人聚餐！