Video
Read full review
2020-10-10
913 views
馬鞍山除左地鐵上蓋嘅大型商場外，行多幾步路去雅濤居果邊有一間西餐廳🍴有各式各樣嘅lunch set選擇，而且價錢仲十分平民！餐廳以梳化同卡位為主，座位與座位間有一定空間，即使午飯繁忙時段滿座時都唔會覺得焗促，岩哂weekend想据下扒chill下傾下計嘅朋友！👍🏻👍🏻呢度lunch set嘅選多到由A排到X，有選擇困難症嘅我揀左好耐先決定到叫邊個餐😂🙈！套餐包一塊香脆嘅烤法式麵包同埋餐湯，有龍蝦湯同埋蕃茄湯揀，我地就揀左充滿鮮味而且味道濃郁龍蝦湯。另外加$8有個煙三文魚沙律，個醬汁酸酸甜甜好開胃。主菜黎喇！香烤紐西蘭肉眼牛扒配紅酒燒汁($81) 牛扒食得出落左少少鬆肉粉，咬落質感偏向軟林，個人較喜愛新鮮牛扒有咬口嘅質感。紅酒汁調得非常惹味，同塊牛扒味道好夾；伴碟嘅薯菜炸得剛剛好，表面金黃香脆內裡非常鬆軟，食落好香口！WM安格斯牛肉燒汁蘑菇芝士漢堡配薯條 ($63) 又大又厚嘅一塊牛肉漢堡，配埋芝士、蕃、洋蔥、蘑菇同酸瓜，一啖咬落去滿口香濃嘅配料真係好滿足。塊漢堡嘅牛味好香濃但就比較乾身，不過個醬汁補救番食落都幾juicy嘅！呢個漢堡包🍔又好味又夠飽，呢個價錢黎講真係超值！飲品方面揀左忌
餐廳以梳化同卡位為主，座位與座位間有一定空間，即使午飯繁忙時段滿座時都唔會覺得焗促，岩哂weekend想据下扒chill下傾下計嘅朋友！👍🏻👍🏻呢度lunch set嘅選多到由A排到X，有選擇困難症嘅我揀左好耐先決定到叫邊個餐😂🙈！
套餐包一塊香脆嘅烤法式麵包同埋餐湯，有龍蝦湯同埋蕃茄湯揀，我地就揀左充滿鮮味而且味道濃郁龍蝦湯。另外加$8有個煙三文魚沙律，個醬汁酸酸甜甜好開胃。
主菜黎喇！香烤紐西蘭肉眼牛扒配紅酒燒汁($81) 牛扒食得出落左少少鬆肉粉，咬落質感偏向軟林，個人較喜愛新鮮牛扒有咬口嘅質感。紅酒汁調得非常惹味，同塊牛扒味道好夾；伴碟嘅薯菜炸得剛剛好，表面金黃香脆內裡非常鬆軟，食落好香口！
WM安格斯牛肉燒汁蘑菇芝士漢堡配薯條 ($63) 又大又厚嘅一塊牛肉漢堡，配埋芝士、蕃、洋蔥、蘑菇同酸瓜，一啖咬落去滿口香濃嘅配料真係好滿足。塊漢堡嘅牛味好香濃但就比較乾身，不過個醬汁補救番食落都幾juicy嘅！呢個漢堡包🍔又好味又夠飽，呢個價錢黎講真係超值！
飲品方面揀左忌廉朱古力同埋熱情困菠蘿梳打，好classic嘅西式特飲，兩杯飲品都正常發揮啦！
Post
