淂記 (Closed)

有個朋友同我都好鍾意食片皮鴨。佢話我知銅鑼灣利園三期有間叫淂記，週末有片皮鴨任食，所以我哋一齊去試吓。去到門口，就感覺到餐廳入面裝修一定幾靚，因為佢門口都好靚，同埋佢個位置係喺利園入面。入到去真係好靚👍餐廳好大，好闊落，座位好舒服。餐廳裝修得好優雅。佢有一啲鴨嘅布公仔佈置，好得意。餐廳入面有吧枱，我見入面有好多酒。夜晚同朋友食飯，可以去吧枱度飲杯酒。週末填鴨放題係兩小時。每位$368。食物種類有好多，除咗片皮鴨之外，仲有冷盤、點心、主食、湯、甜品。食物都係好高質素，好好味！👍😋每位食客都會送一隻鮑魚。如果係片皮鴨愛好者，呢間嘅週末填鴨任食，真係好啱。食完可以再叫👍😋