許願樓客家菜館

Open Now

Now Closed

襯放假同朋友到林村一日遊。搭火車到太和再轉巴士就可以到。可能時間尚早，朝早十一點幾，唔算好多遊客，算係行得幾舒服。我地決定先去拋寶碟，好好彩一下就成功完成任務後我地決定去醫肚。短短一條街上有幾間餐廳，我地最後揀左最多人坐嘅珍姐客家菜。黃色招牌一眼就望到。餐牌唔多選擇，店員推介梅菜扣肉同客家咸雞。我因為感冒唔食得雞所以叫左碟梅菜扣肉飯同乾炒牛河。扣肉肥瘦適中，梅菜汁送飯一流。乾炒牛河就茶餐廳質素，有獲氣。食飽同朋友share左一碗咸豆腐花。滑豆腐加菜莆，口感幾特別，原來豆腐花都可以咸食，我覺得咸豆腐花仲岩我口味。我同朋友都幾滿意，下次可以帶埋屋企人再黎。