德國餐廳 (Moved) New Location

今日決定再去食das bier。叫左個德國啤酒，好正呀！大大啖吞入口，果種濃濃既麥香味由口散出黎，真係人間享受！熱辣辣既天氣，飲住一杯大大杯既德國凍啤，好似去左旅行咁，超級放鬆。我鐘意個啤酒既味道，唔會太苦，麥香味cover左苦味。好特別。另外仲叫住個燒肋骨，睇落都好大份。燒肋骨既醬汁好濃，已經滲透入去肉質度，正！但見到好大塊，其實如果可以再多d肉就好啦。個醬汁係超級惹味既！叫多個炸薯角，呢個薯角份量就真係多啦！而我且熱辣辣，入口好香脆，外脆內軟，再點買蕃茄醬，再一口啤酒，生活態度呀！食食下原來已經係度享受左咁耐，不知不覺已經九點，下次有機會再食過啦！