Video
Read full review
2024-05-18
826 views
上星期五晚，為咗慶祝母親節， book咗呢一間位於新港城嘅西餐廳。我哋一行四個人，見到個Menu好多選擇，忍唔住嗌咗好多嘢食：B3-炭燒澳洲M2西冷12安士$248嗌咗七成熟，絕對冇過韌嘅情況，燒得啱啱好，連側邊啲薯條都好好食。好味指數：🌕🌕🌕🌕🌑M4-西班牙伊比利亞黑毛豬骨扒配燒意大利黃瓜薯角及鮮果莎莎醬$248多數食西餐嗌豬嘅中伏機率好高，點知呢個一嚟到見到個樣已經話嘩嘩聲，超大塊，超高性價比，一切落去已經知道舊豬好嫩口，純粹略嫌過鮮果莎莎醬有啲淡味。好味指數： 🌕🌕🌕🌕🌑P1-龍蝦汁海鮮扁意粉$148一上枱出晒煙，熱辣辣，份量都好大碟，龍蝦汁好濃味，海鮮嘅份量亦都唔少好味指數： 🌕🌕🌕🌕🌑S1-啖啖蟹肉雜菜沙律配花生芝麻醬$138蟹肉份量都比得好慷慨，不過以沙律嚟講價錢就有啲貴。好味指數： 🌕🌕🌕🌗🌑A1-精選小食五拼（炸魷魚圈、水牛城雞翼、洋蔥圈、脆炸水牛芝士條及薯條）$138五款炸物都做得相當出色，尤其鍾意魷魚圈同芝士條好味指數： 🌕🌕🌕🌕🌑M1-二添一作五-醬燒豬肋骨及燒黃油雞（各半份）薯條價值$288呢個份量勁誇張，但比起其他主食，呢個就相對普通！好味指數：🌕🌕🌕🌗🌑仲有
我哋一行四個人，見到個Menu好多選擇，忍唔住嗌咗好多嘢食：
B3-炭燒澳洲M2西冷12安士$248
嗌咗七成熟，絕對冇過韌嘅情況，燒得啱啱好，連側邊啲薯條都好好食。
好味指數：🌕🌕🌕🌕🌑
M4-西班牙伊比利亞黑毛豬骨扒配燒意大利黃瓜薯角及鮮果莎莎醬$248
多數食西餐嗌豬嘅中伏機率好高，點知呢個一嚟到見到個樣已經話嘩嘩聲，超大塊，超高性價比，一切落去已經知道舊豬好嫩口，純粹略嫌過鮮果莎莎醬有啲淡味。
好味指數： 🌕🌕🌕🌕🌑
P1-龍蝦汁海鮮扁意粉$148
一上枱出晒煙，熱辣辣，份量都好大碟，龍蝦汁好濃味，海鮮嘅份量亦都唔少
好味指數： 🌕🌕🌕🌕🌑
S1-啖啖蟹肉雜菜沙律配花生芝麻醬$138
蟹肉份量都比得好慷慨，不過以沙律嚟講價錢就有啲貴。
好味指數： 🌕🌕🌕🌗🌑
A1-精選小食五拼（炸魷魚圈、水牛城雞翼、洋蔥圈、脆炸水牛芝士條及薯條）$138
五款炸物都做得相當出色，尤其鍾意魷魚圈同芝士條
好味指數： 🌕🌕🌕🌕🌑
M1-二添一作五-醬燒豬肋骨及燒黃油雞（各半份）薯條價值$288
呢個份量勁誇張，但比起其他主食，呢個就相對普通！
好味指數：🌕🌕🌕🌗🌑
仲有嗌兩杯嘢飲，第二杯半價。
屋企人話酒味好重。
餐廳好似開咗冇耐，所以裝修都非常之新淨同光猛座位亦都坐得舒適。
4個人食咗咁多嘢+2杯嘢飲，每人先三百幾蚊 ，抵到爛啦！
總算喺馬鞍山搵到一間可以翻桌嘅西餐廳喇…
Post
