辦館 (Closed)

知道銅鑼灣開咗一間以出前一丁做主題嘅餐廳，今日放學決定去拜訪一下。餐廳位於銅鑼灣世貿廣場旁新建大廈，沿電梯直上三樓，就會見到日清仔等緊你。一入到去見到好大隻嘅日清仔，仲有大大個紅色布幕，同霓虹燈招牌。餐廳樓底高設計半開放式，感覺開揚，而且有室外位置。室外位置仲有電影播放。食物款式好多，飲品嘅名相當特別。黑毛和牛漢堡扒配流心蛋紫薯，蔬菜翠綠新鮮，軟滑嘅蛋白流出半熟嘅蛋黃非常吸引，紫薯好甜，燒烤恰到好處，完全鎖住漢堡扒的肉汁，吃起來好Juicy，而且肉汁豐富又富嚼勁。巴東牛肉飯，牛肉煮到稔好入味，味道豐富而且有層次，肉汁亦濃稠，送飯一流。HO 'L' FRESH 甜度恰到好處，有香茅嘅香味，而且荔枝味道清新。YUM 9 ME 賣相非常吸引，有大大個雪梨肉，仲有川貝、冰糖、桂花，再加少少酒香，好好飲。伯爵茶焦糖布丁，有好香嘅伯爵茶味，加上焦糖嘅甜味，成個甜品味道層次分明。