EAT ME Bar & Restaurant (Closed)

本人天文台預告今日會落大雨，最後又曬又熱，行左一陣就已經出哂汗，又口渴，決定坐低抖抖順便食晚飯。五點幾去食飯，有點兒早，但見這間餐廳七時半前埋單有85折，所以去一試。我們點了四人餐南瓜湯及沙律南瓜湯比較杰身，比較淡，南瓜味不香，味道一般。沙律比較好味，蔬菜新鮮爽脆，加上黑醋汁，Yummy。主菜香煎挪威三文魚配龍蝦忌廉汁三文魚煎到外面香脆，裏面還有少許生，肉質嫩滑，但魚香不足，配上薯蓉及牛油雜菜，前者不夠香滑，後者煮得很腍，兩者味道剛好不會過咸。香草海鮮忌廉汁天使麵天使麵不會煮得太腍，頗多海鮮但都是雪藏貨，無海鮮的鮮味，香草味特出，整體不錯。朋友要了T骨扒及意大利飯，他們說意大利飯夠Creamy及爽口，牛扒肉質比較鞋，肉味淡。甜品是Movenpick雪糕，有朱古力及奶凍味，貴價雪糕零舍不同，奶香十足，雪糕軟滑，確實揼本。整體食物質素中等，但有movenpick雪糕做結尾，大大升呢。埋單一人百幾蚊，幾抵食。