遇見您

Open Now

Now Closed

於土瓜灣探完朋友就去附近覓食，揀中此店全因被店名所吸引—遇見您，都幾浪漫丫。裝備格局有點像CAFE與茶餐廳的混合，天花板有幾靚的吊燈，開放式水吧，座位都舒適，有齊港式、泰式及西式等菜式可選擇，親民街坊價。自家秘製火山骨（小）$88跟之前在泰國食的火山排骨略有不同，醬汁並非偏酸辣，而是像帶點蒜香味的豉油，排骨上舖滿好多芫荽蒜蓉。店家準備定手套供使用，排骨煮得頗淋，剝骨拆開毋須太用力，骨肉分離好易食，肉質軟嫩帶點甜香，都幾好食。牛肋條黑松露蘆筍炒飯 $98甫上桌就有陣陣黑松露香氣，令炒飯更為香口，牛肋條切成粒狀份量都幾多，飯粒沾滿牛肉的油香，讓人食完一啖又一啖停唔到口。芝士鮮茄焗厚切豬扒飯 $98豬扒果然切得好厚，肉質鮮嫩，咬落仍有少許肉汁，不會太乾，墊底的炒底蛋飯都炒得幾好，粒粒分明，芝士味濃郁，如果蕃茄醬再酸甜多一點就更好吃。