Video
Read full review
2023-02-21
509 views
情人節唔想同人逼、又唔想次次食西餐，於是來點新意思，同男朋友提早一晚慶祝情人節，兼試下高級中菜😋。由旺角朗豪坊步行7️分鐘就到位於旺角希爾頓花園酒店2樓嘅「鷹巢」中菜廳，旺中帶靜，非常方便！細食嘅我哋今次揀咗「鷹巢精選嚐味二人餐」(雖然最後都係飽到攬住個肚😝)。鷹巢精選嚐味二人餐：- 金牌叉燒皇 拼 冰燒三層肉- 芝士焗蟹蓋- 萬壽果燉海中寶- 意大利黑醋豬柳- 鮮瓷實濃雞湯浸菜苗- 薑米蝦仁蛋白炒飯- 桂圓蓮子燉桃膠 拼 杏香荔蓉綠豆酥 📣推廣限定 (兩位用)☑️ 星期一至四 $688☑️ 星期五、六、日公眾假期及前夕 $788 🗯推廣期由即日至2023年3月31日 (早食早享受🤫)🐷金牌叉燒皇拼冰燒三層肉燒肉卜卜脆、叉燒切得好厚身，入口煙韌，蜜汁鮮甜！🦀芝士焗蟹蓋是晚No.1最驚艷嘅菜式！精緻嘅金蟹形食器令人忍唔到嘩一聲叫出嚟。芝士焗到燶燶地，香味四溢，蟹蓋裡面嘅有一絲絲嘅蟹肉同洋葱粒，增加爽口滋味！真係好想encore多一隻！🍲萬壽果燉海中寶是晚No.2最回味菜式，所謂「萬壽果」即係木瓜。我本身唔中意食木瓜，但呢個木瓜真係燉得超甜😍！木瓜肉入口即溶，燉湯嘅材料豐富，有竹笙碎、菜心片、蝦
鷹巢精選嚐味二人餐：
- 金牌叉燒皇 拼 冰燒三層肉
- 芝士焗蟹蓋
- 萬壽果燉海中寶
- 意大利黑醋豬柳
- 鮮瓷實濃雞湯浸菜苗
- 薑米蝦仁蛋白炒飯
- 桂圓蓮子燉桃膠 拼 杏香荔蓉綠豆酥
📣推廣限定 (兩位用)
☑️ 星期一至四 $688
☑️ 星期五、六、日公眾假期及前夕 $788
🗯推廣期由即日至2023年3月31日 (早食早享受🤫)
🐷金牌叉燒皇拼冰燒三層肉
燒肉卜卜脆、叉燒切得好厚身，入口煙韌，蜜汁鮮甜！
🦀芝士焗蟹蓋是晚No.1最驚艷嘅菜式！精緻嘅金蟹形食器令人忍唔到嘩一聲叫出嚟。芝士焗到燶燶地，香味四溢，蟹蓋裡面嘅有一絲絲嘅蟹肉同洋葱粒，增加爽口滋味！真係好想encore多一隻！
🍲萬壽果燉海中寶是晚No.2最回味菜式，所謂「萬壽果」即係木瓜。我本身唔中意食木瓜，但呢個木瓜真係燉得超甜😍！木瓜肉入口即溶，燉湯嘅材料豐富，有竹笙碎、菜心片、蝦、帶子、蟹肉、鮮菇、蓮子，誠意十足，飲完即刻暖身又醒神，又好想encore多一碗哈哈！
🐷意大利黑醋豬柳意大利黑醋嘅酸味正好用嚟中和油膩，豬柳炸得好夠鑊氣，且爽口彈牙，配埋三色椒就冇咁熱氣。
🥬鮮瓷實濃雞湯浸菜苗豆苗係我中意食嘅蔬菜之一，用上湯浸嘅方法亦係最鮮味，呢道菜嘅難得之處，係雞湯唔會蓋過豆苗嘅鮮爽，加埋瓷實相當健脾益氣。
🦐薑米蝦仁蛋白炒飯本身以為會好似外面食嘅蝦仁炒飯咁，一粒粒細蝦仁，估唔到係大大一隻蝦，爽口彈牙😋！飯炒得好乾身、粒粒分明，帶有薑味而唔辛辣，蛋白細滑，完美地同炒飯融合。
🥢桂圓蓮子燉桃膠 拼 杏香荔蓉綠豆酥 桂圓蓮子燉桃膠：材料十足，中意佢唔太甜膩，食到桂圓、紅棗、桃膠自帶嘅鮮甜。
杏香荔蓉綠豆酥：第一啖食落去咸咸地，有咸水角嘅味道，之後就食到荔蓉同綠豆嘅清甜。建議直接咬開一半，感受先咸後甜喺味蕾上遊戲！
------------------------------環境方面，鷹巢中菜廳空間感闊落，加上星期一晚相對寧靜，可以好舒服咁享受一個pre-情人節晚餐。
服務方面，上菜速度好快，而且酒店職員十分友善，會主動問客人菜式如何。由於萬壽果燉海中寶實在太好飲，忍唔住職員裡面有咩材料，職員都立刻幫我入去廚房問師父，非常好客專業！想享受寧靜又高質嘅中菜，絕對不能錯過旺角希爾頓花園酒店「鷹巢」中菜廳！
Post
