船皇 (大埔超級城) (Closed)

之前食過銅鑼灣同尖沙咀既船皇，今日機緣巧合嚟到大埔，順便去埋船皇係大埔超級城既第三間分店！大埔分店比銅鑼灣同尖沙咀大得多，而且更闊落。另外門口擺放左一架泰國傳統交通工具嘟嘟車🛺，絕對係餐廳既打卡位。運作形式亦有所不同，客人先下單付錢，然後等號碼才出去拿食物。- 船皇湯麵每次都係選擇蛋麵，今次都唔例外，口感似鹼水麵，但容易咀嚼。我仲加$1 轉左和牛。和牛幾較稔，肉味香濃。另外仲有大量材料包括雞翼、牛丸、豬皮、豬肉。- 泰式炒金邊粉金邊粉係大埔限定，所以非叫不可。金邊粉煙煙韌韌，唔係太濕濶，甜酸程度啱啱好，不過略嫌唔夠穫氣。- 串燒派對沙嗲雞肉叫左三串，沙嗲汁偏甜。魷魚鬚相當大隻，串燒牛舌非常厚肉，豬頸肉燒得好香口，而且爽口彈牙。- 泰式奶茶泰式奶茶係每次必點飲品，口感滑溜，越甜越喜愛😍- 凍檸檬茶茶底有餘韻，而且唔太甜，啱晒我女朋友。總結：終於過三關去齊晒船皇三間分店，船皇湯麵仍然係必叫食物，串燒不過不失。