犇道 (Moved) New Location

「犇」原來係讀奔，入到舖頭望下就知🤣先要講呢個慢燒極上牛排丼，主角慢燒牛排真係水準之上，肉質細嫩微暖，果然係帶點粉紅色既肉最好味，而且唔靱有彈性，又有牛味，加埋啲牛排汁，正呀！個飯都有味素，仲有温泉蛋可以撈飯，一啲都唔乾，好有飽足感🥰呢個火山牛丼都好受歡迎，見到其他人都有叫呢個，賣相吸引，所以我地都叫左個🤣 呢個牛肉係薄切一片片既，無牛排肉的咬口，不過係唔同食法，相比之下更能融合醬汁，完全被醬汁覆蓋的牛肉加上小小蟹籽，十分鮮甜多汁，又係另一番風味。