BBQ Chicken Premium Chicken (Closed)

晚上六時半，未見人龍。入座限時90mins,都合理。總共叫左3樣野！蜂蜜脆片炸雞135/10件，雞件大小不一，蜜糖調味是不錯 。少少甜，剛剛綜和到食炸雞ge 油膩感。可惜雞只屬kfc 質素，除左雞鎚、雞翼部分，其他部位superdry 又“鞋”口，而且口中竟然滲住kfc 果種油溢味 失望芝士撈拉麵$78，味道是可以，但無驚喜！係卡邦尼味撈公仔麵味道。但一定要趁熱時食，放左大概十分鐘左右，汁就乾晒，麵痴埋一撮。明洞咖啡棉花冰$68 一上到黎，黑糖棉花糖已經溶溶地，我知最終都要淋咖啡落去，未淋都已經溶緊好唔美觀。味道方面真係無特別。綿綿冰係無味,靠淋上去咖啡同煉奶提味，就係拖肥味道。