Video
Read full review
2016-04-13
3421 views
Kenwood red wine，今晚預計長時間練波，order 支紅酒差唔多喇，希望夠飲啦，哈哈。聽晚就要出戰 After 5 每年一劑既 9-balls American pool 比賽喇，情緒高脹有點緊張 ﹗換左張新 pool 布，比舊既滑好多、順好多，波比早前跑得更快，突然速度變左好難控制呢 ﹗是日餐湯，因為 menu 上只寫上餐湯，我唯有自己估估係咩湯啦 ﹗應該係南瓜香草忌廉湯，我唔食南瓜的，但依個湯不太甜、淡淡南瓜味不太嗆而清香，質感幼滑，都幾滿意。大蝦沙律，雪藏熟蝦完全無味及咬落口感索索聲。如將所有材料連沙律醬撈混同吃，味道還可以，蔬菜都新鮮爽嫩。食左咁多年，都係第一次食頭盤沙律用上沙律醬架乍 ﹗香煎蒜蓉牛油扒大蝦，牛油煎得香噴噴又熱辣辣，size 都滿意，好食好食 ﹗蝦肉爽嫩鮮甜帶海水味，蒜蓉混牛油咸香撲鼻，食落津津有味，必食之選 ﹗蒜蓉味道香濃強烈，令人食慾大震 ﹗牛油一向跟蒜蓉係非常好既拍檔，惹味濃厚 ﹗混上香草再滲入蝦肉之中，抽出所有蝦鮮味 ﹗手勢非常純熟一叉一挑，成隻蝦球已在手上，急不及待讓成千上萬既味蕾品嚐。煎得香口，鮮爽無比，每一口散發鮮甜，仲要附著甘香蝦膏
是日餐湯，因為 menu 上只寫上餐湯，我唯有自己估估係咩湯啦 ﹗應該係南瓜香草忌廉湯，我唔食南瓜的，但依個湯不太甜、淡淡南瓜味不太嗆而清香，質感幼滑，都幾滿意。
大蝦沙律，雪藏熟蝦完全無味及咬落口感索索聲。如將所有材料連沙律醬撈混同吃，味道還可以，蔬菜都新鮮爽嫩。食左咁多年，都係第一次食頭盤沙律用上沙律醬架乍 ﹗
香煎蒜蓉牛油扒大蝦，牛油煎得香噴噴又熱辣辣，size 都滿意，好食好食 ﹗蝦肉爽嫩鮮甜帶海水味，蒜蓉混牛油咸香撲鼻，食落津津有味，必食之選 ﹗蒜蓉味道香濃強烈，令人食慾大震 ﹗牛油一向跟蒜蓉係非常好既拍檔，惹味濃厚 ﹗混上香草再滲入蝦肉之中，抽出所有蝦鮮味 ﹗手勢非常純熟一叉一挑，成隻蝦球已在手上，急不及待讓成千上萬既味蕾品嚐。煎得香口，鮮爽無比，每一口散發鮮甜，仲要附著甘香蝦膏呀，無得頂，得兩隻蝦係絕對的唔夠喉囉 ﹗
香煎三文魚柳配忌廉汁，賣相非常討好，顏色配搭都得宜，鮮艷奪目，橙黃綠紫白撞得吸引，散發著香噴噴忌廉濃郁芳香添，使到食慾大增 ﹗而且記得我唔食薯條，轉左沙律菜，細心，讚 ﹗Very good ﹗先從中間切開驗一驗，肉汁即時滲出，外層煎封全熟，香口結實。中間半生熟泛著鮮橙色既魚肉，好 Juicy 嫩滑。將魚塊浸在忌廉汁上不停打滴再一掉入口，黏黏滑滑既感覺，忌廉牛油味濃厚，熱辣辣超好味 ﹗不過魚柳正中間有點冰凍呢。練波不忘美食，食飽先有力架麻 ﹗
鴕鳥扒配紅酒汁，煮得過熟了 ﹗又硬又乾又鞋呢，因為怕有禽流感？駝鳥肉本身味道偏淡，食落有點點黑椒味道，略帶香口，還可以。但份量實在太少，只有 4 小片有點孤寒，又唔係什麼貴食材，我覺得只係食左一串串燒既份量。伴碟蕃茄更出色，原隻蕃茄略烤過再鋪上肉碎，好鮮甜又帶點香口。
芝士墨西哥粟米片 Nachos，配有 3 款醬汁，茄汁、酸忌廉及牛油果醬。芝士都未焗溶就出貨，好趕時間咩？用原片軟芝士代替依家既芝士粒會更開心囉。我一向都對薯片類或零食麻麻地，如要食此 nachos 會較喜歡食酸忌廉，味道較清爽又可以減低油膩感覺。又加左價，多謝 HKD60 個大洋。
有骨安格斯肉眼牛扒 3 成熟配紅酒汁，不在 menu 上而只有熟客先知道既高級肉眼呢 ﹗雖然要幾百蚊一塊，但物有所值既，可能係大埔最好食既肉眼。Menu 上沒有的有骨肉眼多謝 HKD260 啦，重量級物有所值既。今晚塊扒特別肥，肥膏好多呢 ﹗雖然膏多更香口，煎出黎既香氣更強烈。大大件肉眼夠晒份量，安格斯一向牛味濃郁，正呀 ﹗淡紅色的肉，質地嫩滑又多汁，配埋濃淡適中既紅酒汁，雙得益章 ﹗最後全部食晒，當然連汁都無得留低啦，好飽好滿足啊 ﹗
連骨一齊煎既肉眼扒肉味特別濃厚、香氣特別濃郁，煎封肉眼將所有肉汁完完全全保存在內，一鋸肉汁飛射 ﹗沾上紅酒汁掉入口中跟舌頭熱舞，肉質軟棉幼滑，每一趙都流滿非凡肉汁 ﹗肉質幼嫩棉棉，肉汁勁到滴滿成隻碟呢，沾上香甜濃郁紅酒汁加上牛味特濃，外層充滿彈性有韌度，裡面鮮紅嫩滑，大滿足 ﹗骨所帶出既香氣及味道已被肉眼吸引，好味極致，回味無窮 ﹗連骨都要損得乾乾淨淨方肯放手。
我對薯仔麻麻，可以轉其他配菜嗎？伴碟原隻蕃茄都非常出色，鮮甜無比。後生仔新廚師今晚較平日有超水準表演喎 ﹗難能可貴，非常滿意，好好味，無得彈 ﹗早前係另外一間餐廳食左塊低於水平既安格斯肉眼扒後一直忐忑不安，今晚一定要食塊巨形又好味既牛扒方可使我情緒安定過來呢 ﹗哈哈哈。Kenwood red wine，靚紅酒配靚牛扒爽乎 ﹗真係太好食喇，飽飽又滿足 ﹗美酒佳餚，係欠缺左個美女相伴，美中不足﹗
芝士肉醬焗薯皮，質數一向穩定，新鮮出爐熱辣辣出晒煙，真係要慢慢續啖咬呢 ﹗成舊塞入口死梗，一定起水泡又甩皮。簡單、方便又美味 ﹗夾雜住芝士肉醬既芳香，好味道又方便 ﹗懶人殷物，唔洗劏唔洗鋸又無骨，拿起就咬。新鮮出爐滾熱辣，不能掩蓋既烤薯香味，微燶香噴噴，薯肉軟棉濕潤又夠粉，吸收晒肉醬香味及肉汁，薯皮微燶香口，茄汁肉醬酸酸甜甜十分開胃，茄汁肉醬味道超夾，濃郁帶甜帶酸，可以連續食幾隻都唔覺滯啊 ﹗混為一體天作之合，好味到頂點 ﹗如果再多一點芝士就更好喇。
和牛漢堡 5 成熟，仲有薯條、蕃茄、青瓜、沙律菜伴碟，份量十足。和牛漢堡熟了一點了，煮得有點過龍，變左 7 成左右。Size 比以往薄左少少，幸好仍然好厚身呢 ﹗要夠厚身先可以鎖住更多既肉汁。夾埋蕃茄酸瓜蔬菜真係超級厚呀，最少有兩吋半啊 ﹗仲有薯條都未放埋入去。我天生個口都算大，都要壓扁個包少少先免強可以一啖咬落去乍，哈哈 ﹗豪邁狠狠地一咬一扯，意料之外麵包十分鬆軟喎，不過和牛漢堡就有點乾有過過熟，濕潤不足，肉汁欠奉，淡淡牛味不算勁，肉味略淡。兩面又無煎香又無煎封，口感同味道大打折扣，馬有失蹄 ﹗我有失望 ﹗依個 moment 又係出絕招既時候喇，加上大量茄汁救救先得。
車打芝士併羊奶芝士配法包，依家取消左芝士併盤好失望呢，可以試多幾款麻。羊奶芝士羶味強勁有點嗆喉喎，我都係喜歡 blue cheese 多一點，羶味濃得黎較醇。車打芝士大路普通，廣為接受，淡淡咸香，齋食就太啖口了。
法國白珍珠 whtie pearl，法國白珍珠蠔，生蠔您返左黎喇 ﹗After 5 既美味生蠔終於返來囉，等到頸都長。新鮮生蠔只需幾滴鮮檸汁就夠晒喇，無需要過份調味，原汁原味先最好食。 味道鮮甜帶淡淡海水味，肉身肥美堅延，嫩滑非常，蠔味餘香強烈而持久，真係要一試再試，好味到不得了。 蠔肉肥美、邊位爽嫩，中程度海水味及金屬味，味道鮮甜到震，除左用好味黎形容外，都只係得好味兩個字囉 ﹗
香煎羊扒配黑醋汁，招牌菜廣為人知，知名度比牛扒更甚。依個好味得咁緊要既係咪羊黎架？遠遠已聞到芳香肉味，質感軟棉幼滑細緻，味道只帶輕微羊羶，肉味濃郁多汁又香口，一啖一隻，一扯肉汁飛射 ﹗混上甜美黑醋汁，如虎添翼 ﹗
德國咸豬手，改良版外皮並無炸過，焗得嚥韌而滑，膠質好豐富，原隻煮既肉汁可以保存較好，豬肉帶淡淡咸香而咸味不太嗆，質感軟棉又帶少許肉汁，啖啖肉食得高興，合格。最討厭醃到硬屈屈既咸豬手，比起大埔德意時碎上脆皮硬屈屈極咸港版豬手好味得多。
辣酒煮藍青口，見到個名已經聯想到辣酒煮花螺，但原來只係白酒煮青口加辣粉乍，好微似水既辣味，藍青口保持彈性無煮過火，整體普普通通唔難食，叫做試過啦。
茄汁豬髀配天使麵，豬髀肉質有點乾硬，肉汁欠奉，味道一般，而且有點雪藏翻熱感覺。天使麵有點凍，一早煮定，口感都滿意，不過茄汁淡而無味又太水喇，要香濃厚一點才好食呢。
紅酒汁燒春雞天使麵，要求天使麵要 8 成熟，因為意粉都係煮定，所以要廚師哥哥尊登即時再煮過喇，麻煩晒。烚得天使麵剛剛好，十分嚥韌有咬口，而且滑溜溜 ﹗撈埋蕃茄草菇一齊食超級好味，菇菌芳香帶著鮮茄甜酸味道，更加開胃醒神。春雞就不過不失，雞肉好腍，不過無咩彈性嫩滑感覺，配上紅酒汁都好味道既。我喜歡用天使麵捲上雞肉掛埋大量紅酒汁混合黎食，味道變得多層次而豐富，好食好多 ﹗
黑松露醬雜菌扁意粉，我愛扁意粉比天使麵、意粉更愛，最嚥韌滑溜有嚼勁。依個意粉都炒得真係好鬼油喎，哈哈 ﹗等左差不多 30 分鐘，終於有得食喇，真係有點耐。索一索，聞到好濃郁黑松露氣味，不過食落就只有微弱黑松露味道。專登 order 意粉唔好咁腍，今次質地都算滿意啦 ﹗淋上大量辣椒仔夾埋雜菌捲上黑松露肩意粉，大束大束地塞入口，香香辣辣勁開胃，雜菌芳香爽脆彈彈，越食越起勁，停不了。唔知道會有洋蔥，無走到洋蔥呢 ﹗我食唔到洋蔥架，格硬食左三四片，救命 ﹗成個意粉食晒，都美味。但仍然好肚餓呀，叫多個焗薯皮先得 ﹗
Kenwood red wine
84 views
0 likes
0 comments
是日餐湯
58 views
0 likes
0 comments
大蝦沙律
54 views
0 likes
0 comments
香煎蒜蓉牛油扒大蝦
47 views
0 likes
0 comments
香煎蒜蓉牛油扒大蝦
57 views
0 likes
0 comments
香煎蒜蓉牛油扒大蝦
29 views
0 likes
0 comments
香煎三文魚柳配忌廉汁
21 views
0 likes
0 comments
香煎三文魚柳配忌廉汁
15 views
0 likes
0 comments
鴕鳥扒配紅酒汁
25 views
0 likes
0 comments
芝士墨西哥粟米片 Nachos
30 views
0 likes
0 comments
有骨安格斯肉牛扒 3 成熟配紅酒汁
33 views
0 likes
0 comments
有骨安格斯肉牛扒 3 成熟配紅酒汁
29 views
1 likes
0 comments
有骨安格斯肉牛扒 3 成熟配紅酒汁
28 views
0 likes
0 comments
有骨安格斯肉牛扒 3 成熟配紅酒汁
17 views
1 likes
0 comments
芝士肉醬焗薯皮
34 views
0 likes
0 comments
芝士肉醬焗薯皮
38 views
0 likes
0 comments
芝士肉醬焗薯皮
21 views
0 likes
0 comments
和牛漢堡 5 成熟
27 views
0 likes
0 comments
和牛漢堡 5 成熟
27 views
0 likes
0 comments
車打芝士併羊奶芝士配法包
40 views
0 likes
0 comments
法國白珍珠 whtie pearl
31 views
0 likes
0 comments
法國白珍珠 whtie pearl
23 views
0 likes
0 comments
法國白珍珠 whtie pearl
25 views
0 likes
0 comments
香煎羊扒配黑醋汁
23 views
0 likes
0 comments
香煎羊扒配黑醋汁
25 views
0 likes
0 comments
德國咸豬手
33 views
0 likes
0 comments
辣酒煮藍青口
40 views
0 likes
0 comments
辣酒煮藍青口
29 views
0 likes
0 comments
黑松露醬雜菌扁意粉
37 views
0 likes
0 comments
茄汁豬髀配天使麵
39 views
0 likes
0 comments
紅酒汁燒春雞天使麵
40 views
0 likes
0 comments
Post
