Video
Read full review
2022-01-07
1029 views
蠔仔粥一窩$88我想講好大窩😍😍😍，食極都有，蠔仔新鮮，蠔仔啲size 又足，仲要加咗啲墨魚🦑落去，如果可以再加返多啲肉碎就好啦.芹蔥炆沙鯭(時價，我個日食$148 ) 呢個真係超級好食，個沙鯭係炸左嘅，再拎去同啲肉碎(超多)，冬菇絲，芹菜，大蔥一齊炆，魚質嫩滑新鮮，同其他配料一齊煮完之後，幾樣配料啲味入哂個魚到，真係無得輸，啲肉碎食哂，汁都飲埋😆😆.潮州滷水鵝（鵝肉）$98先講佢用黎墊底嘅滷水豆腐，味道夠，另外質感唔會太軟或者太硬，做得岩岩好。鵝肉好入味又唔會太鹹，做得嫩滑，鵝肉唔會太肥，而且非常之好彩佢俾咗脾位，份量仲要好足.墨魚拼鵝腸$88墨魚最緊要脆口唔好韌，唔好煮太耐，另外鵝腸一定要有啲肥膏同潤，呢兩個都做到，仲諗咩呢，叫啦😙😙.Cp 值及夠飽: 整體上份量大，價錢合理，我地三個人食左$500 左右包一支啤酒🍻.翻啅:一定會翻啅(不過提提各位foodie，環境衛生係麻麻嘅)
我想講好大窩😍😍😍，食極都有，蠔仔新鮮，蠔仔啲size 又足，仲要加咗啲墨魚🦑落去，如果可以再加返多啲肉碎就好啦
.
芹蔥炆沙鯭(時價，我個日食$148 )
呢個真係超級好食，個沙鯭係炸左嘅，再拎去同啲肉碎(超多)，冬菇絲，芹菜，大蔥一齊炆，魚質嫩滑新鮮，同其他配料一齊煮完之後，幾樣配料啲味入哂個魚到，真係無得輸，啲肉碎食哂，汁都飲埋😆😆
.
潮州滷水鵝（鵝肉）$98
先講佢用黎墊底嘅滷水豆腐，味道夠，另外質感唔會太軟或者太硬，做得岩岩好。鵝肉好入味又唔會太鹹，做得嫩滑，鵝肉唔會太肥，而且非常之好彩佢俾咗脾位，份量仲要好足
.
墨魚拼鵝腸$88
墨魚最緊要脆口唔好韌，唔好煮太耐，另外鵝腸一定要有啲肥膏同潤，呢兩個都做到，仲諗咩呢，叫啦😙😙
.
Cp 值及夠飽:
整體上份量大，價錢合理，我地三個人食左$500 左右包一支啤酒🍻
.
翻啅:
一定會翻啅(不過提提各位foodie，環境衛生係麻麻嘅)
Post
