圓老爺雞煲小廚 (Closed)

放工同家姐一起出元朗吃飯，聽聞元朗多大排檔，好多選擇。不過太熱啦，一於揀一間室內有冷氣既呢間又有雞煲又有小菜，非常好既選擇。見到廚師推介菜中，有焗脆皮鹹豬手，一於試下同德國口風有咩唔同！果然有驚喜，賣相首先高分，皮脆，味道剛剛好，無死鹹。配合呢個調過既甜酸醬，子薑，非常match！食唔停！又係邪惡之選，黃金魷魚🦑送上檯就聞到香噴噴！忍不住即刻試，魷魚炸得好脆，蛋黃剛剛好份量。再來一個豆腐魚頭煲！呢個煲非常足料。又入味豆腐，火腩，冬菇，加大大個魚頭。食得出好有火候！非常和味既一餐！