Video
Read full review
2016-09-29
448 views
因為上兩星期同老公去完日本, 好掛住日本o既拉麵...所以上網搵到呢間, 覺得未食過沾麵都可以去試試~ 因為老公遲放工, 所以我去拎定位...我走入店內, 有個, 亦係唯一一個女侍應問我幾多位, 我答"兩位"...佢話要等等, 要人齊先入得同而家冇位, 因為出面熱, 所以我o係店面門口等...侍應語氣不太友善地叫我出面等, 同比左張紙我剔野食...我當時覺得佢可能不嬲都係咁講野(串串共), 咁我照o係門外等...到我老公黎...準備入之際...店內有人出...侍應又叫我地讓開通道比人出...其實我地唔算企得好出, 道門係可以再開大d ...咁唔緊要...始終係通道...都要讓人出先有得入。等位期間, 侍應都有比紙我後面o既情侶, 有問佢地係咪第一次食...但佢冇問我地...因為已經落左單, 我地坐企左幾分鐘就有得食啦...我叫左海老麵豉沾麵, 老公叫海老醬油沾麵。基本上每款沾麵都配兩片薄燒叉燒同一隻糖心蛋, 仲有一款紫菜+脆米o既小食~ 侍應冇了解過我地識唔識食之下, 我地都識得睇枱面上o既教學~ 味道方面, 我覺得麵豉汁配櫻花蝦味道好夾, 加埋蝦醋味道更特出, 醬油就唔太特別...麵
因為已經落左單, 我地坐企左幾分鐘就有得食啦...我叫左海老麵豉沾麵, 老公叫海老醬油沾麵。基本上每款沾麵都配兩片薄燒叉燒同一隻糖心蛋, 仲有一款紫菜+脆米o既小食~ 侍應冇了解過我地識唔識食之下, 我地都識得睇枱面上o既教學~ 味道方面, 我覺得麵豉汁配櫻花蝦味道好夾, 加埋蝦醋味道更特出, 醬油就唔太特別...麵質較硬屬我中意o既質地, 叉燒係薄切o既, 味道冇乜特別...糖心蛋好食, 不過可以再濃味d ...而另外送o既一款小食, 教學冇教...我係聽隨離有人問點食先知點食都ok .......其實咁講, 所有野都可以隨自己喜歡去配搭黎食...但我覺得基於對文化傳統o既尊重, 所以我覺得應該要跟人地教o既食法...如果真係想宣傳日本o既美食文化, 我覺得呢間店唔夠到位...食麵期間, 侍應同廚房兩位同事傾計...態度同客講野係完全唔同...講野有尾音有語氣好多......我唔會覺得佢冇禮貌, 因為佢有講唔該等等...但刻意扮到自己好cool , 唔等於人地會覺得你間舖好有格調...日本o既拉麵店我都食過好幾間, 間間o既侍應都好nice, 仲有親切o既笑容~ 即使冇笑容, 都會感受到佢o既真誠同熱心...
食完之後, 我地比錢走啦...侍應比左張單我老公睇, 口講: 多謝$178 ...事關我都老公已經返左工12個鐘, 已經冇乜精神...聽到比$178...就比張$500 佢, 找返$332, 跟住我地就走啦....行行下...我老公覺得奇怪, 麵豉汁麵$88, 醬油麵$78...唔係應該$166咩? 計埋加一又唔止$178 呢個數....最後我地走返轉頭...發現真係佢收多左錢...佢仲串我老公: 都叫你睇下張單先啦...收多左人錢仲咁o既態度...好型囉你!
總結 : 冇下次! 想學日本o既style ? 有排都學唔到...
麵豉汁沾麵
$88
32 views
0 likes
0 comments
醬油沾麵
$78
17 views
0 likes
0 comments
Post
