Video
Read full review
2021-06-20
532 views
呢間米芝蓮推介嘅良心餐廳真係一位難求，我係提早左兩個月預訂先book到晚市時間🤣所以都真係幾期待！🍊Roasted mixed mushroom soup $98兩個人share可以分成兩碗，份量都唔算少。菇味都幾明顯，唔會比好似一般嘅菌湯咁比忌廉味蓋過晒，口感醇滑，但唔會覺得膩，面頭有幾塊薄薄嘅磨菇可以食下菇嘅原味🤪🍊Handmade tagliolini with carabineros red prawn, scallop and red prawn sauce $380呢到嘅招牌菜🍝係人人必點嘅，不過份量比我想像中少，男仔食應該唔夠飽（女仔食完都只係叫做唔肚餓🤣）店員會教你先食一啖意粉，再撈埋碟上嘅紅蝦汁食，最後就啜埋蝦頭入面嘅汁🦐意粉口感有咬口，但唔會覺得太韌，每條意粉都厚度一致，唔會因為手工製作就一岩一忽，意粉上面雖然都有紅蝦汁，但係依然食到意粉既麥香。撈埋紅蝦汁食會食到好濃郁嘅蝦味，咸咸香香好惹味。蝦頭入面睇落無咩膏，但啜到爆汁🤣至於蝦同帶子都煮得唔錯，唔算驚為天人，但都係好食嘅。🍊Fettuccine with beed ragu $198相比之下呢個牛肉醬闊條麵就有啲
呢間米芝蓮推介嘅良心餐廳真係一位難求，我係提早左兩個月預訂先book到晚市時間🤣所以都真係幾期待！
🍊Roasted mixed mushroom soup $98
兩個人share可以分成兩碗，份量都唔算少。菇味都幾明顯，唔會比好似一般嘅菌湯咁比忌廉味蓋過晒，口感醇滑，但唔會覺得膩，面頭有幾塊薄薄嘅磨菇可以食下菇嘅原味🤪
🍊Handmade tagliolini with carabineros red prawn, scallop and red prawn sauce $380
呢到嘅招牌菜🍝係人人必點嘅，不過份量比我想像中少，男仔食應該唔夠飽（女仔食完都只係叫做唔肚餓🤣）
店員會教你先食一啖意粉，再撈埋碟上嘅紅蝦汁食，最後就啜埋蝦頭入面嘅汁🦐
意粉口感有咬口，但唔會覺得太韌，每條意粉都厚度一致，唔會因為手工製作就一岩一忽，意粉上面雖然都有紅蝦汁，但係依然食到意粉既麥香。撈埋紅蝦汁食會食到好濃郁嘅蝦味，咸咸香香好惹味。蝦頭入面睇落無咩膏，但啜到爆汁🤣至於蝦同帶子都煮得唔錯，唔算驚為天人，但都係好食嘅。
🍊Fettuccine with beed ragu $198
相比之下呢個牛肉醬闊條麵就有啲失色，肉醬煮得好濃郁而且份量啱啱好，每食一啖意粉都可以配埋香濃嘅醬汁，不過牛肉無咩牛味，食落口感有啲似吞拿魚🤣而且味道較單調，無咩層次咁，但意粉都係煮得好好，彈牙有咬口🤪
整體黎講係唔錯嘅！尤其係你想食有質素嘅意粉 / 💛西餐都可以一試！不過我覺得味道未到驚為天人/要係咁推薦比朋友，同埋如果要早兩三個月爭位我應該未必會再食啦～
Post
