深井陳記燒鵝海鮮酒家

Open Now

Now Closed

今日專登揸車入去買遠近馳名嘅深井陳記燒鵝。一隻$540半隻$270下庄$166例牌$145我哋叫咗半隻$270返到屋企雖然唔係熱辣辣，但個皮重係好脆。鵝油好香，鵝肉有韌性，醃料夠入味。不枉我哋山長水遠揸車入去買。食飯嘅時候講起，如果買半隻燒鵝，買右邊好定左邊好？細佬好認真咁去Google。原來買左邊會好食啲，因為鵝休息時會用左腳單腳企，運動量比較多，肉質較結實有層次。但係陳記就冇得指明係左邊定右邊啊。