Video
Read full review
2021-04-12
23 views
餐廳位處旺中帶靜嘅棉登徑，只係隔一條街就有遠離煩囂嘅隱世感覺。烤鱈魚乾，鱈魚乾烤得非常脆身，係比起薯片更脆嗰隻， 帶住輕輕微焦嘅魚味，再點少少沙律醬，味道一流。白飯魚乾豆腐沙律，白飯魚乾幾條幾條炸埋一齊，好似一個扇形嘅魚餅咁，賣相相當精緻，日式麻醬從來同新鮮嘅沙律菜、蕃茄、豆腐都係絕配。左口魚刺身，左口魚肉質軟滑幼嫩，味道清淡鮮甜，鮮味持久悠長，蘸酸汁食，鮮味更加鮮明。鯛魚壽司，鯛魚係一種上等嘅食用魚類，肉質細緻嫩滑且清淡，師傅喺鯛魚嘅表面搽上一抹日本醬油，起咗畫龍點睛嘅效果。甜蝦壽司，甜蝦富有光澤，個子飽滿脹卜，口感爽彈，好明顯係用上咗新鮮貨色。蔥花拖羅魚蓉軍艦，拖羅魚蓉新鮮肥美，蔥花嘅味加上脆身嘅紫菜，係一個水準以上嘅軍艦壽司。鹿兒島黑豚秋葵卷，薄切嘅鹿兒島黑豚肉燒得香口，捲埋秋葵一齊食，令罪疚感減輕不少。天婦羅盛盒，盛盒陣容鼎盛，有大蝦、茄子、粟米、南瓜、番薯同埋靈芝菇，大蝦新鮮彈牙，炸漿薄薄地一層， 靈芝菇天婦羅比較少地方有得食，配合清清地嘅天婦羅汁，盡顯菇味。鯛魚湯鍋鮮烏冬，一上枱見到個湯底奶白色到咁樣已經知道似樣，先呷一口魚湯，魚味濃到不知得了， 鯛魚為數不少，一梳梳嘅口感
餐廳位處旺中帶靜嘅棉登徑，只係隔一條街就有遠離煩囂嘅隱世感覺。
烤鱈魚乾，鱈魚乾烤得非常脆身，係比起薯片更脆嗰隻， 帶住輕輕微焦嘅魚味，再點少少沙律醬，味道一流。
白飯魚乾豆腐沙律，白飯魚乾幾條幾條炸埋一齊，好似一個扇形嘅魚餅咁，賣相相當精緻，日式麻醬從來同新鮮嘅沙律菜、蕃茄、豆腐都係絕配。
左口魚刺身，左口魚肉質軟滑幼嫩，味道清淡鮮甜，鮮味持久悠長，蘸酸汁食，鮮味更加鮮明。
鯛魚壽司，鯛魚係一種上等嘅食用魚類，肉質細緻嫩滑且清淡，師傅喺鯛魚嘅表面搽上一抹日本醬油，起咗畫龍點睛嘅效果。
甜蝦壽司，甜蝦富有光澤，個子飽滿脹卜，口感爽彈，好明顯係用上咗新鮮貨色。
蔥花拖羅魚蓉軍艦，拖羅魚蓉新鮮肥美，蔥花嘅味加上脆身嘅紫菜，係一個水準以上嘅軍艦壽司。
鹿兒島黑豚秋葵卷，薄切嘅鹿兒島黑豚肉燒得香口，捲埋秋葵一齊食，令罪疚感減輕不少。
天婦羅盛盒，盛盒陣容鼎盛，有大蝦、茄子、粟米、南瓜、番薯同埋靈芝菇，大蝦新鮮彈牙，炸漿薄薄地一層， 靈芝菇天婦羅比較少地方有得食，配合清清地嘅天婦羅汁，盡顯菇味。
鯛魚湯鍋鮮烏冬，一上枱見到個湯底奶白色到咁樣已經知道似樣，先呷一口魚湯，魚味濃到不知得了， 鯛魚為數不少，一梳梳嘅口感加上鮮濃嘅魚味，好快就清到見底。
Post
