屏山跑車餐廳

Open Now

Now Closed

難得放早，決定離開市區，去行下屏山，行行下，就俾身處古蹟旁邊既畫面吸引到。餐廳出面咁大架跑車模型，易認之餘仲好吸引眼球，好多係附近參觀既學生同外國遊客都忍唔住停低望下，影返張相。餐廳入面既裝潢都好配合跑車既主題，牆上掛滿有關跑車既相，電視亦播住有關車既節目，仲有一盞好sharp既賽車燈，幾有FEEL咼！是日餐湯係南瓜湯，口感夠埋軟綿綿，南瓜味又香濃，十個讚餐包既熱度同鬆化度都好好，絕無馬虎。跟住小食叫左雞翼三重奏熱辣辣，香噴噴，層皮脆卜卜，仲要一次過有三種口味！蜜糖雞翼固然係至愛，但最有驚喜既係柚子雞翼，酸甜味適中，十分開胃再黎就係海鮮PIZZA ，淨係睇相都知足料啦～有青口、蝦、魷魚等等既材料，而餅底薄薄地，餅邊卜卜脆～ 蟹肉露筍RISOTTO，係今日嘅亮點！一啖食落口，飯既軟硬程度岩岩好～至愛～露筍同蟹肉既味道都好出，好夾，加埋個白汁同埋上面既碎芝士，成件事係一流，如果個胃有無限Quota既話一定會食完再叫，叫完再食呀～ 好想再試下其他食物，不過已經好飽，惟有下次放假再入黎食。