URBAN Cafe (彌敦道)

Open Now

Now Closed

玩貓對於我來講就係最治癒嘅事，見着佢哋眼仔碌碌嘅樣，又為食又貪玩真係好得意。成間舖頭真係超多貓，全部都好主動親近人，證明大家平時都好愛惜佢哋。⚜️紐西蘭牛肉眼扒佢嘅牛扒好大，有少少感覺係二人份量嘅感覺，今次就揀咗黑椒汁，個人就覺得有啲辣，下面仲配咗闊條麵，真係超大份完全食唔完。⚜️千島海鮮薄餅淨係睇圖就知佢嘅餡料好豐富，免頭鋪滿咗好多芝士，芝士入面包住好多海鮮，啲蝦都係好彈牙，正。⚜️精選特調咖啡普普通通啦，當然同咖啡店嘅係會有少少出入，不過Cafe來講都算係唔錯，可以過吓口癮。⚜️Oreo脆脆特濃朱古力好濃郁嘅朱古力，但係又唔算係好甜，面頭加咗啲Oreo嘅脆脆，飲落去會有啲口感，有嘢咬下咁。⚜️日本北海道練乳草莓芝士蛋糕配雪糕個人比較鍾意食士多啤梨嘅，佢既草莓芝士蛋糕真係好香，入口濃郁嘅芝士味，再有淡淡的草莓味慢慢滲出來，另外仲配有雪糕，感覺好似食咗兩個甜品咁。⚜️美式熱香餅配雪糕望到熱香餅就諗起m記，佢呢個熱香餅係中型size，旁邊配上雪糕，熱香餅佢啱啱整好咗出嚟所以仲係熱辣辣，夾住凍冰冰嘅雪糕，好正。