火鍋撚 (染布房街) (Closed)

晚上同朋友來吃晚飯，餐廳比左間房我地，環境係不錯，但總結就係有d失望。叫左個麻辣鴛鴦鍋(少辣)，麻辣鍋完全食唔到湯底有味，一般就算少辣都會食到麻辣鍋既香料味，但呢個湯底完全冇。反而豆腐白湯更好，食得出湯底有少少人蔘味。每個湯底裡面都有鴨血同蜂巢豆腐。另外，火鍋料份量只適合2-6人黎食，我地8個人食，樣樣都唔夠分。份量真係有點兒太少。如果6個人黎食每人每樣都係食到1-2件左右，而且價錢又唔算平。不過，味道就唔差既，而且擺得幾靚，好岩相機食。全餐飯最鐘意都係佢地最後送既腐竹糖水沙冰，幾創新，不過有朋友就覺得甜左少少。