千代鶴

Open Now

Now Closed

我都係見openrice入面幾多好評就去試下，點知就中伏。我地四個人晚餐，想食日本野，見其他餐廳都fullbooking,但係呢間餐廳仲有得卜，睇下其他食評都好似ok,就試下啦，上到餐廳個女侍應帶左我地去角落頭坐，同omakase個area分開左兩面，見到嗰面可能有熟客，都食得幾開心咁，咁我都諗住冇問題啦。坐低叫野食，食物普普通通啦，而家都記唔起有咩要讚，又冇咩特別要彈，不過其他因素真係促使我唔會再黎呢間餐廳。晚飯限時90分鐘，放題仲俾得長時間過呢間餐廳，我地六點半坐低，啲野食黎得好慢，七點三已經話俾我地聽係last order,我地先啱啱開始食野，一聽到last order真係眼都突埋。作為一間中價日式餐廳，佢個女侍應啲服務真係好差，比普通茶餐廳都不如，食完成肚氣。呢個價錢其實有大把其他選擇，都唔明點解咁多好評，大家考慮下。