薈麵館

Open Now

Now Closed

農歷年第一個星期五，更要食好的，有利是，身痕，首先經過QRE Plaza 等打蛇餅，青蛙巳經去咗一遊等位，等成十個，我上去薈軒，個場好大，唔駛book都有位，點知俾人包場，再過些，原來開咗間薈麵館，裝修雅緻，最緊要有位，原本街角搭枱，坐係到的客人面色唔願意，侍應走入去找另一張4，5人枱去搭，更好，唔駛坐街邊。此處多配搭，粥麵配搭小食，點心，油菜，甜品點义燒撈麵配雞蛋煎腸粉，見到人吔好多义燒，所以叫，真不錯，鋪滿碟，買相有光澤，瘦中間有粒肥，煙煙靭靭，甜咸適中，是有些瘦靭咗，麵質爽口，及格，湯當然吾係蝦子湯，估佢大地魚湯；腸粉是吾夠滑，蛋味吾夠香，厚咗些，可接受。艇仔粥配咸肉稯，肉碎唔多，油炸鬼，鱿魚，豬皮足；咸肉稯，綠豆多個糯米，實實正正，好香五香瘦豬肉，有少少肥更好，如果話靠得住正，佢都正。以後多個選擇，食粥麵唔駛淨去海皇，九記，靠得住。以每位约70~80的價錢，茶錢每位$3，有啖茶飲，環境潔淨雅緻，可以坐吓抖吓，平過飲茶，好過茶餐廳。