凱旋餐室

Open Now

Now Closed

首先而家茶餐廳能夠做到2間鋪位，應該需要一定實力。門口見到，佢選擇真心多，一般茶餐食品齊，仲要有燒味，潮式麵，單拼，雙拼去到紫菜四寶麵都有，要唸到食乜都需要時間同決斷力。本來想試佢潮式粉麵，但.....見到蕃茄湯，我最鍾意嘅湯粉，一定要試下佢嘅水準。每次見餐廳有蕃茄湯底，都好自然會叫黎試試佢質量如何。今次呢個雖然比羅宋湯淡左少少，但我都飲晒成碗，唔係味精湯得黎，有真蕃茄味。多士一般，奄列都好一般。沙律都係值得一試，唔係薯仔沙律係舊式茶記嘅生果青瓜紅蘿蔔沙律，食到懷舊風同回憶。魚柳都炸得算juicy唔乾，可以一試。奶茶對一間茶記最重要，佢無令我失望，係開頭少左D奶，叫左加奶後回復正常。價錢合理，路過肚餓又唸唔到食乜，可以考慮。