IZA 居酒屋

Open Now

Now Closed

見到無人寫過呢間餐廳，梗係要試下啦。圓方呢個平台有唔少餐會，我試過都有兩，三間，呢間日式餐廳係新開幕，HH飲品都係HKD28起跳，可惜就無戶外座位可以俾煙民坐低慢慢飲，所以唯有幫襯隔離嘅HH，再移司呢度晚飯。睇OR中o既餐牌圖文並茂，被吸引左選擇呢一間餐廳，但入到去坐低，攞到真正嘅餐牌，發現竟然有出入。我幫襯呢日，有好多野都已經無得食，我最鍾意嘅燒魚頭：冇；加州卷，鰻魚卷，所有嘅卷物都冇，諗咗一輪之後最後叫咗：炸物拼盤，燒青椒仔，翠玉瓜；黑枝豆；自家製豆腐沙律，三文魚子蟹肉飯要求改成三文魚子三文魚飯，因為我食蟹肉過敏，仲有個牛飯。自家製豆腐沙律：老實講豆腐的確做得非常之唔錯又滑又嫩，仲好有豆味，豆香濃郁，唯獨係一夾就散，真係只可以用匙羹舀起。三文魚子三文魚飯：飯已經調過味鹹鹹地，三文魚用咗蛋黃醬去調味，好濃郁我就唔係咁鍾意，但果晚實在太肚餓成碗飯清晒。黑枝豆：仲以為係乜嘢名堂，點知上到來都係青色嘅，不過啲豆就幾新鮮而且甜甜地。和牛飯：百幾蚊一個飯，老實講又唔係特別平，不過牛肉嘅份量都幾多，有人食到一半份量，已經放咗響度。話自己真係唔係好鍾意食牛肉，可惜冇滑蛋豬扒飯，如果唔係實成個食晒。