牛涮鍋 (Closed)

今日又到出街覓食日子，因為新都會大裝修，我又未諗到食咩好就決定同老公黎食好耐冇食嘅牛涮鍋。可能係因為星期五啦，大約730黎到都等左大約45分鐘位。揀左168一位嘅set，唔知係我太耐冇黎食定點，佢加左十蚊價，同埋唔知咪係因為巴西凍肉事件佢地冇哂雞肉供應。湯底我揀左豬骨同新出嘅濃蝦湯底。豬骨嘅味道有d似出前一丁嘅豬骨湯味，但就淡少少。濃蝦味就完全唔覺有蝦味，仲有3粒面粉做嘅花。肉都不錯，肥瘦適中，大約12片左右一碟。每次要肉都大約5分鐘左右會送到，90分鐘入面我地大約食左每樣2碟左右。配料就比起其他分店少，丸類有；咖哩魚丸，芝士魚餅，芋頭丸，魚板。另外有芝士腸，魔芋，芋絲，菜有娃娃菜，油麥菜，蘿蔔。菇類有冬菇同金菇，另有烏冬同拉麵。芋頭丸十分驚喜，中間包住一條芋頭，甜甜地。甜品嘅雪糕，其他分店有埋frozen yogurt,但呢間得牛奶雪糕，topping 有：cheerio ,kit Kat 碎，朱古力彩針，糯米滋，同提子乾。除左雪糕仲有檸檬蛋糕同雲呢拿puff 。90分鐘其實好快就過，所以其實要食得快先抵，哈哈。不過呢間嘅牛就算叫最平嘅set都唔會太差。