陳儀興牛什粉麵 (鴻祥大廈)

Open Now

Now Closed

估唔到係旺市内，有一間選擇種類繁多，甚至例如少見嘅海參難同牛沙瓜，環境乾淨企理嘅牛雜粉麵店。淨食五香牛什包括有牛肚、牛肺、牛膀、粉腸、大腸。份量都相當多。每款都處理得十分乾淨無異味。我最鍾意就係牛肺，質地柔軟，而且無任何筋位。另外嘅牛什味道都唔錯，相當入味。蜂窩狀嘅牛肚有嚼勁；牛膀入口松化，味道不羶不涩；粉腸口感粉嫩，充滿粉狀感；大腸充滿脂肪。牛三寶米粉粉麵大大碗，有我最鍾意嘅牛筋，充滿骨膠原，口感Q彈滑嫩；牛腩偏瘦，充滿牛味。我要晒（炸物拼盤）最估唔到小食都好出色，嗌左我要晒，就可以試曬多款炸物小食，有炸魚皮、炸雲吞、炸魚條、炸墨魚條、炸章魚丸、炸蝦棗丸，配有甜酸醬。即叫即炸，全部都係金黃色。炸蝦棗丸、炸墨魚條、炸章魚丸、炸魚條全部都相當彈牙，炸魚皮同炸雲吞十分酥脆可口。我地加錢轉左套餐就有油菜同餐飲~腐乳通菜同蠔油生菜，雖然係跟餐，但全部都大大份。每次食粉麵店，都必點腐乳通菜，呢間嘅腐乳超級濃郁。最後配埋餐飲：鹹檸七、龍鳳檸樂夏天食飯，點少得飲品。見到玻璃樽嘅汽水特別開心，仲要有港式特色嘅龍鳳檸樂，為呢餐畫上完美句號。