喬居酒屋

Open Now

Now Closed

喬居酒屋位於太子花園街嘅小巷入面, 雖然位置隱蔽, 但由佢小巷條小路掛滿燈籠佈置, 到一踏入店內, 就好似瞬間置身於日本嘅街頭～ 店內裝潢以木系為主調, 充滿濃厚嘅日本風情, 舖頭唔大但俾人感覺溫馨又親切, 呢度嘅氣氛非常適合同三五知己一齊暢飲暢談, 享受一個愉快嘅夜晚! 喬居酒屋主打串燒, 選擇多樣化, 包括雞腎、雞心、雞肝同雞尾等, 每款都係精心烹調, 有溫度同味道😂 佢嘅伴碟都好特別係一個食得出有啲日式木魚調過味嘅蒜頭, 香得嚟唔會太過濃味～ 牛小排、提子黑豚肉、蘋果黑豚肉、燒西京芝士同黑糖菠蘿等特色串燒亦非常受歡迎, 每款都係用心製作, 有驚喜😁特別推薦佢哋嘅蘋果豬肉卷, 豬肉鹹香, 好新鮮咁搭配清甜爽脆嘅蘋果, 口感層次豐富! 另一款必試嘅係免治雞肉棒配日本初生蛋, 雞肉鮮嫩多汁, 配上蛋漿更加滑溜😍喬居酒屋唔單止食物出色, 服務亦非常貼心, 店員親切友善~ 令人覺得係一間充滿人情味嘅居酒屋, 無論係同朋友聚會定係想搵個地方放鬆心情, 都係一個幾好嘅秘密基地😜