maze Grill (Closed)

不嬲睇開電視劇集地獄廚神，終於見到佢喺香港開左佢喺英國嘅Maze Grill就好興奮地今日去試咗。總括嚟講餐廳嘅環境係冇得彈全部牆身都用真嘅木頭，感覺好大自然，加上佢位於係海港城嘅4樓，私隱度不錯。所以覺得呢個價錢食個午餐都無可厚非。首先要講佢嘅麵包，佢嘅牛油係擺牛骨入面，好似搽緊骨髓咁樣，創意分我俾滿分。跟住就係食咗佢個紅菜頭沙律感覺細碟咗少少但係都還可以跟住食佢呢個烤八爪魚，呢個真係值得推介因為好新鮮而且啲蒜蓉醬係十分之配合！主菜就有少少失望因為我叫咗個慢煮嘅豬骨咁，上菜嗰陣時見到佢嘅份量的確係好多，可惜食落去的時候好似感覺食叉燒一樣，無咩特別。三文魚主菜還可以但係冇乜驚喜。總括嚟講，物非所值。