菲菲麵館 (Closed)

因午飯都食得幾飽，所以晚飯就諗咗食麵，search 咗呢間車仔麵，會揀黎試都係睇咗其他食評 ...1/環境好: 2/ 見到個湯底樣都幾好，可以一試！但7點上到黎，一個人都無，有啲驚😮你知啦，正嘅話多數都人山人海，都成7點，一個人都無，就當佢 Friday night 啲人要食大餐，所以無咩人😝一上電梯就係一間泰菜，睇咗一陣牌，個肚都係飽飽feel，都係行過隔離食車仔麵算。 睇緊餐牌，店員已介紹一個咩龍蝦二人餐，但我地就只想食一個正常嘅車仔麵咋😅坐低後，呢度環境都真係唔錯，乾乾淨淨，又可能無人，就更覺寬敞舒適😅我地揀咗3個送要沙嗲湯底，麵一到，都算幾香😌 食落都唔錯，雖然開頭以為真係沙嗲湯底，因為都係放沙嗲醬係湯面，但成個湯底都係好味嘅👍🏼 食車仔麵個湯底真係好緊要㗎！ 至於啲送。。。蘿蔔好味夠’林”😋韮菜餃ok好味，個腐皮可以煮番熟少少就好喇，菜就俾得小咗啲😏值得提係冷熱飲都只係六蚊(檸茶，檸水)， 雖然麻麻好飲，但六蚊雞算啦。