Italian Tomato Café & Grill (灣景廣場) (Closed)

元宵節同太座喺附近櫥窗購物完，喺度食晚餐，侍應服務態度都算良好同幾有耐性，叫咗安格斯西冷牛扒套餐($148+10%) 。餐湯，唔係幾夠熱同濃，如果唔駛錢配埋香草蒜蓉牛油豬仔包或多士咁就perfect喇，可惜冇。主菜，牛扒叫咗七成熟但都有啲過火，肉味幾濃，最好趁熱唔係凍咗會變硬，不過啲薯條焾晒唔香脆要扣分，仲有個蘑菇汁偏鹹，所以整體就不過不失。最後係餐飲凍檸茶，冇乜檸茶feel，要加咗成3次糖水先啱我飲，所以呢度都要扣啲分。提提你加28蚊多件蛋糕，不過我就冇叫。