老金煎餅 (Closed)

見冇乜人, 就還我一個心願, 試下老金有咩特別此店開業初期上左OR十大, 成日都有人排隊, 時至今日, 店內一個客都冇, 見店員咁得閒, 買個餅俾D野佢做點左個原味, 睇住佢整, 見佢最後放左一塊脆片, 夾埋一齊, 好似幾得意, 因為我o係北京街頭食o既, 係唔會有呢樣野如我所料, 果塊脆片受熱力同濕氣影響, 完全變淋, 醬料輕微帶辣, 整體感覺尚可, 不過既然叫得原味, 我都係建議做回最正宗o既味道較好試過一次...........就夠!