地道館麵軒

Open Now

Now Closed

岩岩係新都會買完戲飛，醫下肚 再睇狂野時速8，咁就fit晒喇。平時黎地道館 指定動作就一定係食車仔面。老實地講，地道館既車仔面、配料 、味道都十分不錯，加上秘制汁 可為葵芳一絕。講左咁多，其實我今次唔係食車仔面。今次我就試左佢既日式豬軟骨拉面。講日式就唔係幾日式架啦，但係個湯底同埋豬軟骨就出奇地值得一讚。湯底偏咸，應該係用豬骨淆成，豬軟骨夠入味，一咬即刻骨肉分離 十分軟淋。上面灑上粟米，粟米既甜味恰當地中和返偏咸既湯底。加多杯奶茶都係46蚊，價錢算係中等。有時嘗試食下一d非招牌既野 反而時有驚喜，當然中伏既風險就自己評估啦。