Video
Read full review
2018-08-07
1339 views
依加友人飯局, 多左BAR呢個地方選擇, 人未到齊可以黎round Happy Hour先, 人齊就可以開埋餐, 又唔會限你交枱時間, 相當方便又有彈性, 真係好岩放左工後嘅呢D飯局!今晚黎到呢區酒吧臨立搵食, 友人介紹左呢間方便隨時行出去"呼吸"嘅可以選擇地下, 而上層佔地都幾大, 仲有Live演出, 水準都唔錯架!餐牌提供沙律, 小食, 主菜及甜品, 真正一條龍服務, 無需轉場!呢客低溫慢煮三文魚藜麥香芒沙律 ($148), 一睇材料就知超級健康, 賣相又靚仔!先講件三文魚, 係以低溫慢煮方法煮成, 口感相當嫩滑, 似食緊刺身般滑; 而藜麥煮得相當有口感, 內裏混合甜椒及芒果粒, 味道香甜又能增加口感層次一啖放入口, 香甜嫩滑中又帶點咬口, 夏天食呢個相當配合!呢度嘅意粉/意大利飯係即點即製, 見到食物相已經吸引, 一於叫個鮮蟹肉蟹粉, 西班牙辣肉腸, 半乾車厘茄, 鮮蟹汁自家製墨魚汁闊條麵 (限量供應) ($218), 黎個黑色配橙色大混合!主角係鮮蟹肉蟹粉, 粒粒蟹膏食落有蟹香, 再加埋三文魚籽嘅咸鮮, 一D都唔會腥, 而蟹粉與醬汁混埋一起, 沾滿每條自家製墨魚汁闊條麵, 口感
今晚黎到呢區酒吧臨立搵食, 友人介紹左呢間
方便隨時行出去"呼吸"嘅可以選擇地下, 而上層佔地都幾大, 仲有Live演出, 水準都唔錯架!
餐牌提供沙律, 小食, 主菜及甜品, 真正一條龍服務, 無需轉場!
呢客低溫慢煮三文魚藜麥香芒沙律 ($148), 一睇材料就知超級健康, 賣相又靚仔!
低溫慢煮三文魚藜麥香芒沙律
18 views
0 likes
0 comments
先講件三文魚, 係以低溫慢煮方法煮成, 口感相當嫩滑, 似食緊刺身般滑; 而藜麥煮得相當有口感, 內裏混合甜椒及芒果粒, 味道香甜又能增加口感層次
一啖放入口, 香甜嫩滑中又帶點咬口, 夏天食呢個相當配合!
呢度嘅意粉/意大利飯係即點即製, 見到食物相已經吸引, 一於叫個鮮蟹肉蟹粉, 西班牙辣肉腸, 半乾車厘茄, 鮮蟹汁自家製墨魚汁闊條麵 (限量供應) ($218), 黎個黑色配橙色大混合!
鮮蟹肉蟹粉, 西班牙辣肉腸, 半乾車厘茄, 鮮蟹汁自家製墨魚汁闊條麵伴
25 views
0 likes
0 comments
主角係鮮蟹肉蟹粉, 粒粒蟹膏食落有蟹香, 再加埋三文魚籽嘅咸鮮, 一D都唔會腥, 而蟹粉與醬汁混埋一起, 沾滿每條自家製墨魚汁闊條麵, 口感滑中帶少少煙韌, 食完都唔會整到牙齒變黑, 可以放心食! 好味道!
食到咁上下, 呢客烤澳洲M5和牛肉眼扒10安士伴荷蘭豆, 辣肉腸及薯條 ($398)就上場啦, 10安士肉眼扒相當對眼, 有燒汁, 茄汁及芥末增加味道!
烤澳洲M5和牛肉眼扒10安士伴荷蘭豆, 辣肉腸及薯條
15 views
0 likes
0 comments
落左5成熟, 肉上有件香草牛油, 增加佢嘅誘人指數! 質感鬆化, 無需用力已經輕易被切開, 切開肉眼內裏仍然保持紅色, 肉汁輕輕流出黎!
加少少芥未, 一啖放入口, 肉味幾濃, 邊位帶少少脂肪令件肉更香, 口感略帶少少嚼口, 肉汁係口內再爆發多D! 同友人開心Share美食係何等"合皮"之事!
另外佢嘅薯條留意到係連埋薯皮, 食落更有薯味, 炸得乾身唔油膩, 點茄汁食又係好味嘅!
黎BAR開餐, 點可以唔飲番杯? 又唔一定要飲酒嘅, 呢度嘅Drink List除左有多款式酒類飲品, 仲有賣相吸引嘅Mocktails
依加咁流行嘅奶蓋茶, 估唔到我會係係呢度首次飲到, 呢杯Oolong with Cheese ($70), 先飲頂部嘅芝士奶蓋, 然後再慢慢細味烏龍茶, 淡淡茶味無甜度, 感覺都幾得意!
Oolong with Cheese
12 views
0 likes
0 comments
另一杯為以生果味為主嘅Peachy Coco ($70), 先食左杯頂串荔枝, 係以蜜糖搽係荔枝上再燒一燒, 香甜多汁; 再呷啖桃茶, 清新可口!
Peachy Coco
11 views
0 likes
0 comments
一路飲住野, 一路欣賞Live演出, 咁就渡過左一個美好晚上!
Post
