陳儀興玫瑰餐廳

Open Now

Now Closed

近排A姐話自己肥咗，所以去咗新蒲崗學瑜伽（其實計我話小小肥先好攬架！吖，唔係，佢都無都肥過，都唔知減邊忽），佢話做得咁辛苦，嚟到weekend，要俾自己放肆吓！所以等佢放學後，我哋就去咗新蒲崗嘅玫瑰餐廳陳儀興，嘆番個雞煲獎勵一吓自己！不過，為免佢前功盡廢，所以今餐唔係叫咗好多嘢，估唔到有邊爐癮嘅A姐，今晚又咁忍得口。重慶辣雞煲（半隻）一上枱已經好夠香，雞件夠晒入味！初初食唔覺得辣，但點之越食越辣，好過癮呀！為免之後辣到變孖潤腸，所以我同A姐拿拿臨食晒落肚！整體嚟講唔錯，不過略嫌雞件較少，唔似有半隻雞。松露墨魚丸A姐就最鍾意食松露，但松露遇上墨魚丸，真係第一次。估唔到呢兩樣野會咁match又fresh，松露味好香濃又彈牙，一碟8粒，好彩A姐要減肥，食咗2粒，其他我食埋佢。安格斯牛肉安格斯牛肉份量唔少，我哋兩個夠晒食，牛味香濃，肥美度啱啱好。