雪龍湯 (Closed)

一行六人入到去坐左一陣已經知中伏，想轉地方又怕冇位，已經見到天花板開住兩把大風扇，都覺得好焗，問(面紅紅)女店員可否開大 D 冷氣，回覆已經開到最大，一心去試韓國地道菜式雪濃湯，話係以牛骨慢火熬製而成，湯頭呈奶白色，但個什麼雪濃湯烏冬出到黎，左右上下睇都睇唔到有奶白色呈現及感覺，同一般豬骨湯差不多，但一 D 都唔肥，D 骨一定好Q瘦，味道一般，而想食蟹鉗就冇蟹鉗，轉叫廣島蠔但又好 BB 好細隻，可能廣島已受到幅射影響，反而蕃茄湯就超濃，可以一試！D汗一路食就一路流，凍檸茶一上枱就唔見曬D冰，可能怕凍襯我地，真細心！大家都食得很高“興”，會唔會再去…冬天才會考慮吧！呢一間可能係全港首間主打雪濃湯烏冬但冇“雪”嘅專門店！