花花世界. (Closed)

又係同我老婆搵食嘅時間喇, 今日由佢發板要求黎呢間"花花世界", 好明顯佢比D 花花吸引左啦。 一入到去我仲以為去左花墟咁, 不過老婆就大愛, 又影相又打卡咁, 哈哈, 氹女友就一流喇。呢度嘅單點價錢中中庭庭啦, 我地冇特別叫午餐但都有餐湯送, 不錯!先講返個松露帶子雜菌意大利飯 $152, 份量多又好大碟, 松露味唔算重 反而忌廉感覺重一點, 飯嘅質地有一丁點實, 唔係煮到淋曬嗰種,最後都食唔曬。另外香煎比目魚配玫瑰香檳汁- 個皮煎到脆卜卜, 魚肉好滑,但味就普通唔算重味。配薯菜, 有三件半個mini size 嘅薯仔,反而呢個香牛油同香草味, 好好食。最特別要一提就係伴碟呢個玫瑰花汁, 雖然係甜嘅, 玫瑰花味好濃郁但都好fresh,用黎配沙律菜係我未試過的味道, 好夾同好好食, 咁樣避左一般沙律菜嘅苦, 我連魚肉都忍唔住點下佢。黎到玫瑰餐廳梗係要叫佢玫瑰咖啡試下啦, 果然一流, 玫瑰香味同咖啡味剛剛平衡, 唔會得個甜字。另外一杯簿荷朱古力 就無乜朱古力味, 爭少少。整體黎講環境真係一百分, 帶女仔去就一定會好滿意, 老婆大人食咁耐就笑咁耐...