陳漢記 (Closed)

今晚晚飯食早咗，10點幾已經好肚餓，唯有食宵夜醫肚，諗起好想腸粉所嚟咗哩度食。因為秋天好多人嚟哩度食煲仔飯，所以都要喺門口乖乖地等15至20分鐘先有位。一坐低即刻叫個(牛肉腸粉)，好滑啲皮又薄，每次嚟都會order。然後叫咗(炸貢丸/$60/8粒)，係有啲貴，但真係炸得好好，金黃外皮，好香好有咬口。推介(爽滑魚皮)，滑溜溜嘅魚皮配合少甜豉油，有少少辣辣地。最後叫咗雲呑牛腩河，普普通通。唔覺唔覺食咗好多，美食當前有時真係好難抗拒。