Bingo & Cook (港匯廣場)

Open Now

Now Closed

最近成日想食韓國野，同朋友決定去食炸雞，唔係佢帶路真係唔知尖沙咀有間咁好食嘅韓國炸雞！ 🔸蜂蜜黃油炸雞、甜辣炸雞+香腸年糕串🔸呢度炸雞有幾款味道選擇，仲可以揀半份或全份👍炸雞外皮酥脆，雞肉嫩滑，內裡仲保留到肉汁，蜂蜜黃油味甜甜地仲有濃郁牛油味🤤甜辣炸雞就好惹味，好多醬汁又唔會太辣，反而好開胃，香腸年糕串同樣炸到脆卜卜好香口，尤其年糕再沾上甜辣醬食，外脆內軟～正😋🔸炸蝦紫菜包飯🔸食韓國菜必點紫菜包飯，呢度種類都好多，炸蝦大大條好酥脆，雖然今晚叫左好多炸野食好熱氣，但真係停唔到口🙈 🔸50cm 韓式海鮮鍋🔸最後仲有呢個重量級海鮮鍋，材料好豐富～有蟹、蝦、鮑魚、帶子、青口、蜆同魷魚等🦀🦐🦑湯底係韓式經典酸辣湯，揀左少辣，辣度剛剛好，熱辣辣好惹味😋今餐非常邪惡😈狂食炸雞真係好解壓，下次一於約多幾個朋友試埋其他味！